Дэлхий нийтэд шинээр үүссэн нөхцөл байдалтай уялдуулан Улсын онцгой комиссоос Станбул-Улаанбаатар чиглэлийн онгоцоор ирсэн иргэдийг 21 хоног тусгаарлаж, уг хугацаанд гарсан зардал болох 350-500 сая төгрөгийг Засгийн газрын нөөц сангаас гаргахаар болсон билээ.

Тэгвэл ирэх сарын 2 болон 4-нд Улаанбаатар-Сөүл-Улаанбаатар болон ирэх сарын 3-нд Улаанбаатар-Токио-Улаанбаатар чиглэлд тусгай үүргийн онгоцоор Монгол Улсын иргэдийг эх оронд нь эргүүлэн авчрах юм. Эдгээр иргэдийг 21 хоног тусгаарлах талаар Эрүүл мэндийн яамны хэлтсийн дарга Д.Нарангэрэл онцолж мэдээллээ.

Тэрбээр, "Өнөөдөр Дэлхийн эмч нарын өдөр тохиож байна. Гэхдээ тэд баярлах завгүй, яг л эр цэрэг шигээ эх орныхоо эрүүл мэндийн манаанд зогсож байна. Тэд бол баатрууд. Эмч, ажилчид 24 цагаар голомтод ээлжлэн ажиллаж оношлогоо шинжилгээ хийхээс эхлээд өвчтөнүүдийг эмчилж, хооллож байна. "Бидний төлөө унтах завгүй амарч яваа тэднийхээ халаасанд витаимин С ч болтугай хийж өгөөрэй" гэж салбарын сайд маань хэлж, гуйж байна. Тэд бидний ирээдүйг аврах гэж хичээж буй баатрууд юм шүү. Тэднийхээ хариуцлага, тэвчээр, ухамсрыг хүндлээрэй " гэлээ.

Г.Маргад