Засгийн газрын 62 дугаар тогтоолын хэрэгжилтийн талаар мэдээлэл хийлээ.

НОБГ-ын Гамшгаас сэргийлэх хэлтсийн дарга Г.Нэргүй “Шалган нэвтрүүлэх товчоодод цагдаа, эмч, онцгой, мэргэжлийн хяналтын давхардсан тоогоор 355 алба хаагч ажиллаж байна. Орон нутгийн чиглэлийн орох, гарах хөдөлгөөнд хяналт хийж байна. Өнөөдрийн байдлаар 42287 тээврийн хэрэгсэлд үзлэг хийлээ. Тухайлбал, энэ сарын 27-ны өдөр Баян-Өлгий аймгаас ирсэн 41 зорчигчтой автобусанд сэжигтэй нэг тохиолдол илэрснийг шуурхай штабын зөвлөмжөөр тусгаарлах арга хэмжээ авсан. Нийслэлд хүн амын 50 гаруй хувь нь оршин суудаг учраас мэргэжлийн байгууллагууд хяналт шалгалтыг эрчимжүүлж ажиллаж байгаа” гэлээ.

НМХГ “Засгийн газрын 62 дугаар тогтоолыг хэрэгжүүлэхтэй холбогдуулан нийслэлийн найман товчоодод хяналт, шалгалт хийж байна. Нийслэл рүү зөвшөөрөлтэйгөөр 37 тээврийн хэрэгслийн 746.2 тонн түүхий нүүрс нэвтэрсэн. Өнгөрсөн хэвлэлийн бага хурлаас хойш Хонхорын товчоогоор 180 кг орчим түүхий нүүрс нэвтрүүлэхээр завдсан иргэнийг илрүүлэн хяналт шалгалтын ажил явагдаж байна” гэв.

А.Сүх