УИХ-ын гишүүн С.Бямбацогт цаг үеийн асуудлаар мэдээлэл хийлээ.

Тэрбээр “Өнгөрсөн онд бид Үндсэн хуулийн нэмэлт, өөлчлөлт хийсэн. Үүнтэй холбогдуулан зайлшгүй батлах ёстой хэдэн хууль бий. Үүнд, Ерөнхийлөгчийн тухай хууль, Засгийн газар, УИХ-ын тухай хууль, Шүүхийн тухай хууль, Аудитын тухай хууль зэрэг өөрчлөлт оруулах зайлшгүй шаардлагатай хууль бий. Сонгуулиас өмнө энэ хуулийг батлахгүй бол сонгуулийн дараа байгуулагдах УИХ, Засгийн газар Үндсэн хуультай зөрчилдөж эхэлнэ. Тиймээс нэн тэргүүнд дээрх хуулиудыг хэлэлцэх ёстой.

УИХ-ын хаврын чуулган ирэх сарын 6-нд эхэлж, тавдугаар сарын сүүлээр өндөрлөнө. Ийм цөөөн хугацаанд өөр бусад хуулиудыг хэлэлцэж амжихгүй байх гэж харж байна.

Өнөөдөр үүссэн нөхцөл байдалтай холбогдуулан Засгийн газар, УОК сайн ажиллаж байна. Манай улсад аюултай нөхцөл байдал үүсээгүй байна. Хэрэв Итали, АНУ шиг нөхцөл байдал үүссэн байсан бол УИХ-ын сонгуулийг хойшлуулах, цахимаар хуралдах зэрэг нөхцөл байдал үүсэх байсан байх. Гэхдээ бид илрүүлж, хумиж чадаж байгаа учраас нөхцөл байдал хүндрээгүй.

Мөн хаврын чуулганаар Үндэсний баялгийн сангийн тухай хуулийг батлах ёстой” гэлээ.

Б.Лхам