Улсын онцгой комиссын Шуурхай штабаас цаг үеийн асуудлаар мэдээлэл хийлээ. Энэ үеэр Гадаад харилцааны яамны мэргэжилтэн Л.Мөнхтүшиг "Дөрвөн чиглэлээс ирэх хүсэлтэй Монгол иргэдийг тодорхой шалгуур тавьж, Элчин сайдын яам болон консулын газраас бүртгэл хийлгэсэн. Сөүлд гэхэд нэн шаардлагатай 500 гаруй иргэн дараалж байж бүртгүүлсэн. Энэ хүмүүсийг одоо очиж авна. МИАТ"-иас тасалбар бичиж байгаа. Билет бичсний дараа буцаах тохиолдол байна. Дэлхийн олон улсаас ирэх хүсэлтэй иргэн байна. Токиогийн хувьд Элчин сайдын яаманд бүртгэл хийсэн. Нийт 700 гаруй иргэн бүртгүүлсэн. Бүртгэл дахиж хийхгүй. Энэ бүртгэлээрээ хүмүүс ирнэ. Бүртгүүлсэн иргэдтэй нэг бүрчлэн холбогдож, билет захиалах эсэхийг утсаар лавлаж байна. 

Зарим иргэд Элчин сайд, консулын яам нэвтрүүлэхгүй байна, утсаа авахгүй байна, танил талаа авчирлаа гэсэн. Тийм биш ээ. 24 цагаар ажилчид жижүүрлэж байна. 

УОК-ын сүүлийн хурлаар Монголд ирсэн иргэдийг 21 хоног тусгаарлана, ингэхдээ ганцааранг нь байршуулна.

Америкт байгаа иргэд тодорхой тооны хүмүүс болбол онгоц ирж авна гэсэн ташаа мэдээлэл цацагдсан. Энэ бол ташаа мэдээлэл шүү. Нийт 1000 гаруй иргэн хүсэлт гаргасан. Очиж авах боломжтой эсэхийг бид судалж байна. Олон нийтийн сүлжээгээр ташаа мэдээлэл түгээхээ болино уу. Хамгийн сүүлчийн Монгол хүнээ эх орондоо авчрах хүртэл Элчин сайдын яам, Консулын газрын алба хаагчид ажиллах болно" гэлээ.

Г.Маргад