ОУК-ын Шуурхай штабаас цаг үеийн асуудлаар мэдээлэл хийлээ. Энэ үеэр  ОБЕГ-ын дэд дарга, хурандаа Б.Ууганбаяр "Тусгаарлах байранд байсан иргэд гэртээ 14 хоног дахин тусгаарлагдах ёстой. Гэтэл Сэлэнгэд тусгаарлах байранд байж байгаад гарсан иргэн Улаанбаатар хотод ирээд 2-3 хоног архидан согтуурсан байна. Энэ хүнтэй хариуцлага ярина. Хатуу сануулна. Иргэд дэмглэмээ барих ёстой. Бидэнд амлаад сануулах хуудсанд гарын үсгээ зурсан хүн шүү дээ. Ийм хэнэггүй байж болохгүй. Нууц үе хэдэн ч хоног үргэлжилж болно. Зөвхөн гэртээ дэглэм сахиж байгаа хүмүүс гэлтгүй, бүх нийт үүнийг анхаармаар байна. Уг нь бид тусгай тэмдэг энэ тэр боловсруулсан юм. Гэтэл хүний эрх гээд болчихлоо. Дараагийн нислэгээр ирэх хүмүүсээс 360 хүнийг хүлээж авах боломж байна.

Шаардлагатай гэвэл томоохон зочид буудлуудыг дайлчилна. Ингэхээс аргагүй болно.

Гамшгаас хамгаалах дүрэм журам тогтоосон энэ үед гадагшаа явсан иргэд нөхцөл байдал намжтал эргэж ирнэ гэсэн ойлголт байхгүй шүү. Явсан бол явсан шүү" гэлээ.

Г.Маргад