Ардчилсан намын зөвлөлийн өргөтгөсөн хуралдаан боллоо.

Хурлын эхэнд АН-ын дэд дарга З.Нарантуяа “Вирусний гамшиг, Үүнээс эдийн засагт учирч болох хохирлыг хамгийн бага гарзтайгаар хууль тогтоомжид заасны дагуу давж гарах ёстой гэж АН-ын зөвлөл үзэж байна. Тиймээс үр дүнг нь гүйцэт сайн тооцож чадаагүй зүйлд УИх-ын тогтоол батлах санал оруулах зорилгоор хурал явагдаж байна. Хамгийн гол нь коронавирусний халдвартай холбоотойгоор Гамшигтай тэмцэх нэгдсэн бодлого гаргах нь зүйтэй гэж үзлээ. Учир нь энэ нь зөвхөн Эрүүл мэндийн яам, УОК-ын ажил биш. Бүх аж ахуйн нэгж, иргэн хамтаараа даван туулах ёстой. Хоёрдугаарт, Гамшгаас үүдэлтэй эдийн засгийн баримт бичгийг хэрхэн гаргах талаар бодлогын санал тусгасан. Эдийн засгийн хүндрэлийг даван туулахын тулд одоо авч хэрэгжүүлж байгаа арга хэмжээ оновчтой байж чадаж байна уу гэдгийг дүгнэж санал гаргасан. Онцгой нөхцөл байдал буюу дайны гэж хэлж байсан тийм нөхцөл байдал хэрэгжих гэж байгаа учраас зарим нэг хууль тогтоомжид өөрчлөлт оруулах шаардлагатай. Тиймээс нэн түрүүнд УИХ хуралдаж, батлах ёстой” гэв.

АН-ын дарга С.Эрдэнэ “Манай улс таван их наяд төгрөгөөр эдийн засгийн хүндрэлийг давж, иргэдийн амьжиргааг дэмжинэ гээд байгаа. Үүнтэй холбогдуулан бид тооцож үзсэн. Бид яаж ч нэмээд 2.4 их наяд төгрөгөөс илүүг тооцож чадаагүй. Энэ тоо хаанаас гараад ирэв. Гайхаж байна.

Гуравдугаарт, АН-ын зөвлөлийн өргөтгөсөн хуралдаан цаг үеэ олсон хурал гэж харж байгаа. Тиймээс өнөөдөртөө багтан тогтоолын төслийг УИХ-д өргөн барих ёстой. Сүүлд нэмж хэлэхэд, бид одоо улс төрийн шинжтэй зүйл ярихаа болъё. Улс орны нөхцөл байдал хүндэрч байна. Ийм нөхцөлд бид талцах биш нийтийн эрх ашгийг бодох ёстой. Их Хурлын олонхийн бүлгийн зүгээс хуулийн дагуу байхыг хүсч байна. Нэг лидер өөрийнхөө үгийг хууль гээд бодчихсон байна. Сангийн сайд Ч.Хүрэлбаатарт удаа дараа хэлж байсан. Чи бол Монголд нэг номерын худалч гэж. Өнөөдөр төсөвт үүссэн хүндрэлтэй холбоотой асуудалд дан худлаа ярьдаг. Бодит байдал амьдрал дээр зөрүүтэй байна. Тиймээс АН-аас тавих шаардлага хатуу байх ёстой. Тиймээс үүсэн нөхцөл байдлыг хэрхэн гарз багатай туулах нь чухал” гэлээ.  

Б.Лхам