Токио-Улаанбаатарын чиглэлийн онгоцоор ирсэн 25 зорчигч болон томилолтоор яваад ирсэн 23 хүнээс халдвар илрээгүй гэдгийг ХӨСҮТ-ийн дарга Д.Нямхүү мэдээлэл өглөө. Мөн тусгаарлагдсан байсан Туркээс ирсэн гурван хүний хоёроос нь халдвар илэрсэн учир ойр харьцсан 10 хүнийг тусгаарлалаа гэлээ.

Мөн БНСУ-ын тусгай үүргийн онгоц өөрийн улсын иргэдээ авахаар өнгөрсөн гуравдугаар сарын 28-нд Монголд ирсэн. Энэ онгоцоор Туркийн Элчин сайдын яамны ажилтны ар гэрийнхэн ирсэн. Монгол Улсын хууль тогтоомжид дипломат албаны тухай тусгайлан заасан байдаг. Энэ утгаараа Монголд ирэх нь хуулиар нээлттэй. 

Гэхдээ цар тахлын үед авч хэрэгжүүлж байгаа дүрэм, журамтай холбогдуулан Турк иргэдийг тусгаарлаж, шинжилгээ хийхэд халдвар илэрсэн. Элчин сайдын яамны ажилтны хувьд эдгээр иргэдтэй уулзаагүй, уулзахаас нь өмнө бид тусгаарлах арга хэмжээ авсан гэв. 

Г.Маргад