УОК-ын шуурхай штабаас цаг үеийн асуудлаар мэдээлэл хийлээ.
ЦЕГ-аас “Олон нийтийн аюулгүй байдлыг хангах, хуулиар хүлээсэн чиг үүргийн хүрээнд олон талын судалгаа хийж байна. Гадаадаас ирсэн иргэд тусгаарлагдах ёстой үүргээ биелүүлмээр байна. Тодруулбал, 14 хоног тусгаарлах байранд байгаад гэртээ тусгаарлагдсан иргэдээс 14 нь гэр орондоо агсам согтуу тавьж, архи согтууруулах ундаа хэрэглэж, зарим нь эрүүлжүүлэх байранд орсон. Энэ бол аюул. Тусгаарлах байрнаас гараад гэртээ тусгаарлах үүргээ биелүүлээгүй иргэдтэй хуулийн хариуцлага тооцно. Нийслэлийн хэмжээнд 624 байранд хяналт тавьж байгаа.
Хоёрдугаарт, УИХ-ын сонгууль зэрэг сонгуульд нэр горилсон иргэд улс төр бүү хийгээч.
Дэг журамтай газарт тархалт бага байгаа нь нотлогдож байна. Гэтэл бусдыг турхирч, олон нийтийг үл хүндэтгэдэг асуудал гарч байна. Хэрэв ийм асуудал гаргасаар байвал бид нотлох баримт цуглуулж Их хуралд горилогч нартай хуулийн дагуу ярина, нэр дэвших асуудалд цэг тавих болно шүү. Энэ талаар иргэд анхааралтай байх хэрэгтэй байна.
Тусгаарлалтад байгаа иргэдээс гаргаж байгаа зөрчлийг тухай бүрт нь иргэдэд ухуулж байна. Үүний дүнд иргэд өөрсдөө ухамсарлаж, дэгтэй журамтай, тайван байна. Уйдсан иргэд их байна. Энэ хугацааг өөрсдийгөө хөгжүүлэхэд зориулахыг хүсч байна. Ядаж монгол бичгээ сурч, Нууц товчоогоо унш. Чөлөөт цагийг нь зөв өнгөрүүлэх талаар холбогдох яамнаас зохицуулалт хийх шаардлагатай нь харагдсан” гэлээ.
А.Сүх