2020 оны нэгдүгээр улирлын байдлаар аж ахуйн нэгж байгууллага болон  иргэний явуулж буй үйлдвэрлэл үйлчилгээ нь хөдөлмөрийн аюулгүй байдал, эрүүл ахуйн стандартын шаардлага хангаагүйн улмаас үйлдвэрлэлийн осол гарсан талаархи 7долоомэдээлэл НМХГ-ын шуурхай албаны 70128012 утсанд ирсэн бөгөөд уг ослуудад 17 хүн өртжээ. Үүнээс барилгын салбарт дөрвөн осол гарч 10 хүн өртсөнөөс нэг  хүн нас барсан, есөн хүн гэмтсэн,  хөнгөн, хүнсний салбарт нэг хурц хордлого гарч таван хүн өртсөн, бусад салбарт хоёр осол гарч  хоёр хүн өртсөнөөс нэг хүн нас барсан, нэг хүн гэмтсэн байна. Үүний 85.7 хувь нь  хөдөлмөрийн аюулгүй байдалтай холбоотой, нэг буюу 14.3 хувь нь  хөдөлмөрийн эрүүл ахуйн асуудалтай холбоотой мэдээлэл байна.

Хөдөлмөрийн аюулгүй байдал, эрүүл ахуйн хууль, дүрэм, журам, стандартыг хангаагүйн улмаас сүүлийн гурван жилд нийт 84 ослын газарт шуурхай дуудлагаар ажилласаны 34 буюу 40.7 хувь нь барилгын, нэг буюу 1.2 хувь нь эрчим хүчний, 11 буюу 13 хувь нь уул уурхайн, 10 буюу 11.9 хувь нь хөнгөн хүнсний, хоёр буюу 2.4 хувь нь зам тээврийн, буюу 1.2 хувь нь худалдаа үйлчилгээний,  9  буюу 10.7 хувь нь бусад салбаруудад гарсан байна.

Үйлдвэрлэлийн ослын шалтгааныг судлахад унах, бүдрэх, хальтрах шалтгаанаар буюу цахилгаан шатны нүх, галын гадна шатны нүхээр унасан, дүүжин өргүүрээс унасан, ажлын талбай буюу дээвэр доош цөмөрч унасан осол 4 буюу 57 хувийг, хортой бодисын нөлөөнд өртөх шалтгаанаар буюу хязгаарлагдмал орчинд хамгаалах хэрэгсэлгүй ажилласны улмаас химийн бодисын нөлөөнд өртөж хордсон нэг буюу 14.3 хувийг, эд зүйлд хавчуулагдах шалтгаанаар буюу тоног төхөөрөмжийг унтраалгүйгүйгээр засвар хийх явцдаа гараа гэмтээсэн осол нэг буюу 14.3 хувийг, цахилгаан гүйдэлд цохиулах шалтгаанаар буюу өндөр хүчдэлийн шугамтай хэт ойрхон, хязгаарлалтын шугамыг зөрчиж  ажиллах үедээ цахилгаан гүйдэлд цохиулсан осол нэг буюу 14.3 хувийг эзэлж байна.