МҮХАҮТ-аас өөрийн байрандаа Бизнес итгэлийн индексийн судалгааны дүн, эдийн засгийн нөхцөл байдлын талаар мэдээлэл хийлээ.

Энэ талаар МҮХАҮТ-ын ерөнхийлөгч О.Амартүвшин "Коронавирусний улмаас үүдсэн хязгаарлат, дэлхий даяар үүсээд байгаа хямрал монголын эдийн засгийн голлох салбарт нөлөөлсөн. Хамгийн их нөлөөлсөн салбар нь аялал жуулчлал, тээвэр, үйлчилгээ, худалдааны салбар юм. Тухайлбал, аялал жуулчлалын салбарын 90 хувьд нь гүнзгий нөлөөлсөн байна. Энэ салбар нь Монголд 1.6 их наяд төгрөгийн хөрөнгө оруулалт оруулдаг. Үүний цаана олон зочид буудал, агаарын тэвээр гээд дагалдана. Судалгаанд хамрагдсан 1500 компаниас 33 хувь нь ямар нэгэн байдлаар ажлын байраа цомхотгосон гэж хэлсэн. Өөрөөр хэлбэл, 6000 гаруй иргэн цомхотголд оросн байна. Одоогийн байдлаар эрчим хүч, харилцаа холбооны салбарт ямар нэгэн цомхотгол гараагүй байна. Төрийн салбар түр зогссон учир цалингаа өгөөд явж байгаа.

Харин хамгийн их нөлөө үзүүлсэн нь аялал жуулчлал, банкны салбар. Нийт ААН-ийн 35 хувь нь зайнаас, 30 гаруй хувь нь цагийн хуваарьтаа өөрчлөлт оруулсан. Судалгаанд оролцогсдын 62 хувь нь орлого буурсан гэж хариулсан. Цаашид байдал энэ хэвээр үргэлжилбэл 32 хувь нь цомхотгол явуулна гэсэн. Ажлын байр хамгийн их шингээдэг газрууд нь ажлын байрны цомхотголд өртөж байна.

Ажлын байрыг хадгалахад нэн хөнгөлөлттэй санхүүгийн эх үүсвэр шаардлагатай гэж компаниуд хэлж байна. НДШ-ийг түр зогсоох тухай асуудал удахгүй УИХ-аар хэлэлцэгдэнэ. Энэ нь зөв алхам болсон гэж үзэж байна. Хамгийн түрүүлж эрсдэлд өртсөн салбар нь аялал жуулчлалын салбар тэг зогсолт хийх нь. Нийслэлд байгаа иргэд ихэнх нь эрсдэлд ороод байгаа энэ үед асуудлыг хэрхэн шийдвэрлэх вэ гэдэг асуудал чухал байна. Дотоод аялж жуулчлалаа тодорхой хэмжээгээр нээж өгөхгүй бол шууд ажилгүйдлийн байр руу шилжиж байна.

Сонгуулийн жилд бизнес эрхлэгчдийн хүлээлт ихэвчлэн унадаг. 2012, 2016 оны хүлээлт бага байсан. Энэ оных ч бага байна. Эндээс харахад төр засгийнхны тогтвортой бодлого шаардлагатай. Ашиг орлого нэмэгдэнэ гэдэг бизнес эрхлэгчид цалингаа нэмж, эдийн засгийн хүрээгээ тэлдэг бол бизнес эрхлэгчдийн хүлээлт буурснаар аль аль нь буурна гэсэн үг” гэлээ.

Б.Лхам