Энэ сарын 1-нд Сэлэнгэ аймагт, Дархан-Уул аймагт тусгаарлагдсан хоёр тохиолдлын шинжилгээний хариу сөрөг гарсан талаар ХӨСҮТ-ийн захирал Д.Нямхүү Эрүүл мэндийн яамнаас коронавирусний талаар мэдээлэл хийх үеэр мэдэгдлээ.
Тэрбээр "Цэргийн төв эмнэлэгт Катар улсаас ирсэн 42 хүнд хийсэн шинжилгээгээр халдвар илрээгүй. Тандалтын зорилгоор нийслэл болон аймгийн уушгины хатгалгаагаар өвчилсөн иргэдэд түүврийн аргаар судалгаа хийхэд сөрөг гарсан. Сэлэнгэ аймагт тусгаарлагдсан хоёр хүний шинжилгээгээр илрээгүй. Мөн ХӨСҮТ-д шинжилгээний нэг машин нэмэгдүүлж, өргөжүүллээ. Хурдавчилсан оношлуур ашиглах нь эрт илрүүлэх, эрдэм шинжилгээний ажил, судалгааны ажил болж үлдэх учраас харьцуулан судлах ажлыг зохион байгуулж байна" гэлээ.
А.Сүх