УИХ-ын Тамгын газраас УИХ-ын чуулган цахимаар хуралдах үед авч хэрэгжүүлэх дүрэм журмын талаар танилцууллаа. Тодруулбал, Төрийн ордны хуралдааны аль ч танхимд сэтгүүлчдийг нэвтрүүлэхгүй. Харин ордны хоёр давхарт чуулган болон байнгын хороодоос гарсан шийдвэрийг танилцуулж, нэгдсэн журмаар мэдээлэл өгнө. Хэрвээ УИХ-ын гишүүд хэвлэл мэдээллийн хэрэгсэлд ярилцлага, тодруулга өгөх болбол Төрийн ордны хамгаалалтын албанд заавал хандах ёстой. Зөвшөөрөл өгсний дагуу сэтгүүлчдийг гишүүдийн өрөө рүү нэвтрүүлнэ.
Чуулган энэ сарын 6-ны өдрийн 12 цагт нээлтээ хийнэ. Чуулган Төрийн ордны нийт таван танхимд чуулган цахимаар нэгэн зэрэг хуралдана. Цамим хуралдаанд аймаг, дүүрэг, нийслэлийн Засаг дарга, олон улсын байгууллагын төлөөлөгчдийг оролцох боломжийг нээсэн. Тусгай копоор нэвтэрч хуралд оролцоно.
УИХ-ын гишүүдэд чуулган эхлэх үед IPAD олгоод чуулган завсарлах үед хурааж авна. Цахимаар хуралдахдаа хэлэлцүүлгийн программ ашиглахаар бэлтгэсэн. Санал хураалтыг цахимаар хураахдаа үндэсний ААН-ийн бүтээсэн программ ашиглаж явуулах болно. Асуудал үүсвэл нөөц хоёр программ бэлтгэсэн. Бүх программыг тестэлж үзсэн гэлээ.
Г.Маргад
Сэтгэгдэл (1)