Улаанбаатар-Токио чиглэлийн тусгай үүргийн нислэгээр Монгол Улсын иргэдээ Япон Улсаас татан авах ОМ502 дугаартай нислэг 15.50 цагийн үед газардах байсан ч 16.00 цагт газардлаа.
Нислэгээр 266 иргэн ирсэн бөгөөд зорчигчдыг суух үед халуунтай иргэн байгаагүй ч сэжигтэй хоёр тохиолдол илэрснийг ХӨСҮТ рүү яаралтай хүргэхээр болжээ. Мөн эдгээр хоёр иргэнээс гадна 50 орчим иргэнийг ХӨСҮТ-д тусгаарлах аж.
Нислэгээр Индонезид тэмцээнд оролцоод ирсэн гурван хүүхэд ирсэн. Мөн параолимпийн тэмцээнд оролцсон иргэдийг дараагийн нислэгээр авчрахаар болжээ. Дараагийн нислэг энэ сарын 8-нд БНСУ руу явна.
Б.Лхам