Эрүүл мэндийн яамнаас коронавирустэй холбоотой цаг үеийн асуудлаар мэдээлэл хийлээ. Өчигдөр мэдээлэл хийснээс хойш 24 цагийн хугацаанд дэлхийн 208 оронд бүртгэгджээ. 

Өчигдөр Токио-Улаанбаатар чиглэлийн тусгай үүргийн нислэгээр 265 хүн ирсэн. Үүнээс хоёр иргэнийг сэжигтэй тохиолдол хэмээн тусгаарласан юм. Энэ талаар ХӨСҮТ-ийн захирал Д.Нямхүү "Токио-Улаанбаатар чиглэлийн үүргийн онгоцоор ирсэн иргэдээс ХӨСҮТ-д 64 хүнийг тусгаарласан. Одоогийн байдлаар нийт 246 хүн тандалт, судалгаа ажиглалтад байна. Үүнээс 104 нь Сөүл, Токиогийн нислэгээр ирсэн иргэд байна. Мөн Сөүлээс ирсэн 37 иргэнээс тандалтын байдлаар шинжилгээ авахад сөрөг гарсан. Токиогоос ирсэн сэжигтэй хоёр хүний шинжилгээний хариу маргааш гарна" гэлээ.

А.Сүх