Токиогийн нислэгээр ирсэн хоёр сэжигтэй тохиолдлыг ХӨСҮТ-д тусгаарласан. Өнөөдрийн байдлаар тусгаарлалтад нийт 2465 иргэн байгаа талаар Эрүүл мэндийн яамнаас мэдээллээ.

ДЭМБ-ын мэргэжилтэн О.Ариунтуяа “Энэ сарын 3-ны өдрийн ДЭМБ-ын мэдээллээр нийт халдварын тохиолдол 976.249 болж, 50489 нас баралт бүртгэгдсэн гэж мэдээлэгдсэн. Хамгийн их өвчлөлттэй орноор АНУ, Итали, Испани, Франц, Герман улс орж байна. ДЭМБ-ын Европын бүсийн захирал халдвартай холбоотой маш олон мэдээлэл байгаа ч хариу арга хэмжээний мэдээллийг нэгтгэж дүгнэсэн улс орон Европт байхгүй байна гэж онцолсон.

Номхон бүсийн орнуудын хувьд БНХАУ өнгөрсөн гуравдугаар сард 1500 иргэдээ тусгай үүргийн онгоцоор авчирсан. Дэлхий нийтэд эрүүл мэндийн ажилтнууд их халдвар авч байна. Эрүүл мэндийн ажилтнууд тусгаарлалтад орсноос болж хүний нөөцийн дутагдал бий болсон. ДЭМБ-аас хамгийн эрсдэлтэй нөхцөлд ажиллаж байгаа эрүүл мэндийн ажилтнуудыг хамгаалах нь чухал гэдгийг сануулсаар байна" гэлээ.   

А.Сүх