УОК-ын шуурхай штабаас мэдээлэл хийлээ. 

Энэ үеэр Гадаад харилцааны яамны Консулын газрын дарга Л.Мөнхтүшиг "Гадаадаас 613 иргэн ирэх хүсэлт гаргасан. Үүнээс төлбөрийн чадваргүй болж байгаа 378 иргэн хүсэлт гаргасан. үүний цаана 4000 гаруй иргэн санхүүгийн хүндрэлд орсон байгаа. Энэ бүхнийг УОК-т танилцуулж байгаа. Токиогоос гадаадын иргэн гэдэг мэдээлэл цацагдсан. УОК-оос Монголд ирэх боломжтой гадаад иргэдийг тодорхойлж өгсөн. Үүн, УОК-т урьдчилан мэдэгдсэн бол дипломат алба, олон улсын байгууллагын ажилтан, эсвэл монгол иргэнтэй гэр бүл болсон иргэн ирж болно. Дөрвөн иргэн гадаадаас ирсэн. Япон улсын иргэн Монголд 20 гаруй жил амьдарсан, хүүхэд нь Монголын иргэншилтэй. Бусад улсын иргэдийн хувьд ч мөн ялгаагүй ийм байдалтай байгаа. 

Сөүлээс энэ сарын 8-нд ирэх иргэдийн хувьд ямар хүмүүсийг авчрах чиглэлийг Элчин сайдын яаманд хүргүүлсэн. Таван шаардлага бий. Нэгдүгээрт эмчийн хяналтад байгаа жирэмсэн, хөгжлийн бэрхшээлтэй, өндөр настай гэх мэт иргэд хамрагдана. Бид энэ мэдээллийг өнгөрсөн баасан гарагт цахим хуудастаа байршуулж, цахимаар тараасан. Гэтэл иргэд бухимдсан. Бид цаг наргүй ажиллаж, иргэдэд мэдээллийг шуурхай хүргэж байгаа. Мэдээлэл бэлтгэхдээ холбогдох албаныхан хамт сууж байгаад хамт бэлтгэсэн. УОК-оос өгсөн шаардлагад үндэслэж авчрах иргэдийн бүртгэл дууссан. Бүх иргэнийг нэг онгоцоор авчрах боломжгүй" гэлээ.

Цагдаагийн ерөнхий газраас "Гадаа дулаарч байна. Вирус тархах таатай орчин гэдгийг Эрүүл мэндийн яамнаас мэдээлсээр байтал иргэд амны хаалт зүүхгүй байна. Хүүхдүүд амны хаалт зүүхгүйгээр олон нийтийн газраар явж байна. Гурван сарын хугацаанд дэглэм сахичихаад үлдсэн цөөхөн хоногт тэсчих сэтгэл алга гэж үү. Онцын шаардлагагүй үед гадуур гарахгүй байхыг хичээх хэрэгтэй байна. Хүүхдүүд гадуур их зугаалж байна. Тиймээс Эрүүл мэндийн яам, БСШСЯ-ныхан анхаарах хэрэгтэй. Түүнчлэн орчны бохирдол их байна. Гудамж талбай маш бохир байна. Гэр хорооллын гудамж бохиртоо дарагдчихсан байна. Үүнийг холбогдох албаныхан анхаарах ёстой. Мөн гэрээр тусгаарлагдаж байгаа иргэд хариуцлагатай баймаар байна" гэлээ. 

Г.Маргад