УОК-ын Шуурхай штабаас мэдээлэл хийлээ. Мэргэжлийн хяналтын ерөнхий газраас "Эмнэлгүүдийн бохир, халдвар ариутгалыг хийж  байна. Мөн орон сууц, гэр хорооллын цэвэрлэгээг сайтар хийх хэрэгтэй байна. Тэр дундаа гэр хорооллын нүхэн жорлонгийн ариутгалыг сайтар хиймээр байна. Учир нь хүний биеэс ялгарсан бохироор халдвар тархдаг. Мөн эзэнгүй нохой, муур устгах ажлыг аймаг, орон нутагт зохион байгуулж байна. Өнгөрсөн долоо хоногийн байдлаар 190 мкв талбайд ариутгал хийсэн. Цаашид ариутгал халдваргүйтлийн ажил тасралтгүй явагдана. Гэхдээ хувийн аж ахуйн нэгж идэвх санаачилгатай баймаар байна. Жишээлбэл, сүпер маркетууд хүнсний сагс, тээвэрлэгч зэргийг огт цэвэрлэхгүй байна. Иргэд эрүүл мэндээ хамгаалах үүднээс агаар салхинд гарч байна. Гэхдээ нягтралыг үүсгэж болохгүй гэдгийг огт тооцохгүй байна. Урин дулаан цаг ирэх тусам халдвар тархах таатай нөхцөл бүрдэнэ. 

Архи согтууруулах ундаа зөвшөөрөлгүй зардаг хэрэг тасрахгүй байна. Үүнд шат дараалсан арга хэмжээ авч хатуу хариуцлага тооцох хэрэгтэй байна" гэлээ.