УОК-ын Шуурхай штабаас цаг үеийн асуудлаар мэдээлэл хийлээ. Энэ үеэр ОБЕГ-ын дэд дарга, хурандаа Б.Ууганбаяр "Токиогийн нислэгээр ирсэн иргэдээс 68 хүнийг ХӨСҮТ-д байршуулсан. Бусад Цэргийн төв эмнэлэгт 15 хүн, Токио Инн зочид буудалд 188 хүн байршуулж арга хэмжээ авсан. 

Өнөөдөр тусгаарлах байрнаас Баянхангай амралтын газрын захирал нь ОХУ-аас ирж тусгаарлалтад орсон хүмүүс төлбөрөө төлөхгүй байна гэсэн. Тусгаарлагдах иргэд нэг зүйлийг анхаар. Тусгаарлагдах байрны мөнгийг татвар төлөгчдийн мөнгөөр төлөхгүй. Та идсэн бол хоолныхоо мөнгийг төлөх үүрэгтэй. Тусгай машинаар дарга нарын хүүхдийг тээвэрлээгүй. Нисэх буудал дээр цагдаа, мэргэжлийн хяналтын газрын ажилчдын хар тэрэг байсан. Амар зочид буудлын холбогдох хүмүүс өнөөдөр ирж уулзсан. Би талархсанаа илэрхийлсэн. Хоорондоо битгий маргалдаарай гэж хэлсэн. Манай алба хаагчдыг элдвээр харааж, дайрч доромжилсон зүйл олон удаа гарсан. Дайрч доромжилмор байвал над руу дайр. Онц дэглэмийн үед олон хүн олон цагаар ажиллаж байна" гэлээ. 

Харин Гадаад харилцааны яамны Консулын газрын дарга Л.Мөнхтүшиг "Дэлхийн 45 улсад 613  иргэн бий. Зүүн өмнөд Азид байгаа иргэдийг ойлгож байна. Тэднээ гацсныг мэдэж байна. Гэхдээ бүгдийг нь авчрах боломж бий билүү. Тэрийг бодолцох ёстой. Гадаад харилцааны яам иргэдийн өргөдлийг хүлээж авч байгаа.