Нийслэлийн Засаг дарга С.Амарсайхан цаг үеийн асуудлаар мэдээлэл хийлээ. Тэрбээр "Улаанбаатар хот дэлхийн 40 гаруй хоттой ах, дүүгийн найрамдалтай харилцаатай байдаг. Энэ хүрээнд цаг үеийн мэдээллийг цаг алдалгүй солилцож байна.
Түүнчлэн өнгөрсөн 2019 оны аравдугаар сараас эхлэн түүхий нүүрс түлэхгүй, сайжруулсан түлш түлэх бэлэн байдал зарласан. Энэ хугацаа энэ сарын 1-нээр дууусгавар болсон. Үүнээс хойш дүүргийн удирдлагууд сайжруулсан түлшний нөөцийг бүрдүүлж, борлуулалт, нийлэлт, худалдааны асуудлыг хариуцаж ажиллаж байна. Одоогоор утаа мэдрэгчийг тарааж байна. Энэ сардаа багтааж бүх өрхөд тарааж дуусна.
Мөн өндөржүүлсэн бэлэн байдалд 43 албан байгууллагын алба хаагчид ажилласан. Тэдгээрийн цалин хөлсний нэмэгдлийг хуулийн дагуу хотоос шийдсэн. Ариутгал халдваргүйтлийн хувьд үйлчилгээний төв, гудамж талбайг хоёр удаа хийсэн. Цаашид тогтмол үргэлжилнэ. Ирэх сарын 1-ний дотор гэр хорооллын бүх айлын нүхэн жорлон, гудамж талбайг ариутгана. Иргэд үүнд идэвх зүтгэлтэй оролцохыг уриалъя.
Үүнээс гадна нийслэлийн хэмжээнд үйл ажиллагаа явуулдаг байгууллагын цахилгааныг Улаанбаатар Цахилгаан Түгээх сүлжээ компани болон бусад холбогдох байгууллагууд таслахгүй байх, анхааруулж байж шийдвэр гаргахыг урьдчилан сануулсан. Учир нь давагдашгүй хүчин зүйл тохиосон энэ цаг үед иргэн, ААН-ийн орлого хумигдсан. Ийм үед төлбөрөө төл гэж дарамтлах нь зохисгүй юм.
Түүчлэн Хан-Уул дүүрэгт 300 ортой эх, хүүхдийн эмнэлэгт баригдаж байна. Ажлын гүйцэтгэл 95 хувьтай байна. Холбогдох байгууллагад санал гаргаж, төсөв хөрөнгийг шийдэж, цагт нь ашиглалтад оруулахаар ажиллаж байна.
Мөн хаврын хуурайшилтын үед гал түймрээс урьдчилан сэргийлэх нь чухал байна гээд Чингис зочид буудлын арын РЦК төвийн хажуу дахь талбайг тохижуулах ажил удахгүй эхлэнэ гэдгийг мэдэгдлээ.
Г.Маргад
Сэтгэгдэл (3)