МАН-ын бүлэг өнөөдөр хуралдаж Хувь хүний болон ААН-ийн орлогын албан татвараас чөлөөлөх тухай хууль, Нийгмийн даатгалын шимтгэлээс чөлөөлөх тухай, Гаалийн татвараас чөлөөлөх, Нэмэгдсэн өртгийн албан татвараас чөлөөлөх тухай хуулийн төслийг хэлэлцэж, дараах шийдвэрийг гаргажээ.

Өргөн барьсан хуулийн төсөлд НДШ болон хувь хүний, ААН-ийн орлогын албан татвараас төрийн албан хаагч болон төрийн байгууллага, төрийн өмчит ААН болон тэдгээрийн алба хаагчид, мөн олон улсын зээл тусламжаар улсын болон орон нутгийн төсөвт ажил гүйцэтгэж байгаа ААН-ийг чөлөөлөхгүй байхаар тусгасан байсан. Энэ асуудлыг бүлэг хэлэлцээд олон улсын төсөл хөтөлбөрөөр буюу тендерийн ажил гүйцэтгэдэг ААН-ийг дээрх орлогын албан татвараас чөлөөлөх ёстой гэж үзлээ. 

Дараагийн нэг асуудал нь НДШ төлдөг ААН-ийн үйл ажиллагаа доголдсон тохиолдолд ажилтан бүрт 200 мянган төгрөг болгох асуудалд ажлын хэсэг гарч судлахаар боллоо.

Мөн Их, дээд сургуулийг НДШ-ээс чөлөөлөх нь зүйтэй гэж үзсэн. Тиймээс энэ долоо хоногт багтаж, УИХ-аар хэлэлцүүлж батлах байх. 

Эдгээрээс гадна банкны шинэчлэлтэй холбоотой асуудал байна. Бүлгээс ажлын хэсэг байгуулагдана. Түүнчлэн ноолуурын үнийн асуудлыг хэлэлцээд Засгийн газрын шийдвэр зөв. Тиймээс ААН-тэй ойрын хугацаанд хэлэлцээрт хүрэх ёстой гэсэн байр суурьт нэгдсэн гэлээ.

Ингээд сэтгүүлчдийн асуусан асуултад хариулт өглөө.

-НДШ-ийг ямар хэмжээгээр төлөх юм бэ?

-Одоо төлж байгаагаар нь бичилт хийж, чөлөөлнө. 

-Архи, пивоны үйлдвэрийг НДШ-ээс чөлөөлөхгүй гэсэн байна лээ. Тэгвэ ажилчид нь яах бэ?

-Ажлын хэсэг гарч судална. Дахиж ярилцаж байж шийднэ. Аль болох ялгаварлахгүй байх ёстой.