Монгол Улсын Хөдөлмөрийн баатар Дорж овогтой Баттөр нь БНСУ дахь Монгол Улсын Элчин сайдын яам болон Улсын онцгой комисст гомдол хүргүүлсэн байна. Учир нь тэрбээр өдгөө 82 настайн дээр саажилттай бөгөөд тус улсад түр оршин суух зөвшөөрлийг дахин сунгах боломжгүй гэсэн хариу авсан. Монгол руу нисэх хамгийн эхний чартер онгоцонд суулгана гэсэн учраас гурван удаа эмнэлэгт очиж, коронавирусний шинжилгээ өгсөн аж. Гэвч нутаг руугаа буцаж чадалгүй өнөөдрийг хүртэл Солонгос улсад гацсан байна. Түүнтэй адил олон мянган иргэн бий гэдгийг Д.Баттөр хэлээд Элчин сайдын яам хэтэрхий хүнд суртал гаргаж буйг тус гомдолдоо дурджээ.

Тэрбээр СОЛОНГОС ДАХЬ ЭСЯ болон УОК д гомдол гаргах нь.

Миний бие Д.Баттөр нь 82 настай.

Цусны даралт Уарвалтын улмаас биеийн нэг тал саажилттай болсны улмаас Солонгос улсад эмчилгээнд ирж эмчлүүлдэг. Улмаар өнгөрсөн хоёрдугаар сарын 25-нд эх орондоо буцах нислэгийн тийзтэй байсан боловч нислэг зогссон шалтгаанаар явж чадаагүй. Улмаар хоёрдугаар сарын 27-нд визны хугацаа дуусч дахин бичиг баримт бүрдүүлж очтол визны хугацаа дуусахаас өмнө ирэх ёстой шалтгаанаар сунгах боломжгүй гэсэн хариу авсан боловч учир байдлыг ойлгуулж гуйж байж энэ сарын сарын 18-нийг хүртэл сунгагдсан. Үүнээс хойш дахин сунгах боломжгүй гэж анхааруулсан.

Өнгөрсөн гуравдугаар сарын 11-нд дахин бүртгэж өгөөгүй. Ингээд хоёрудаа бүртгэлд хамруулж өгсөнгүй.

Солонгос дахь Элчин сайдтай дөрөвдүгээр сарын 2-нд холбогдож учир байдлаа танилцуулахад хамгийн "Эхний нислэгийн шийд гарахаар буцах асуудалд анхаарч" өгнө гэж хэлсэн.

Гэвч дөрөвдүгээр сарын 8-ний нислэгийн тов гарангуут холбогдох гэж нийт 653 удаа залгасан ч нэг ч удаа утсаа авсангүй.

Миний бие Монгол Улсынхаа хөгжил цэцэглэлтэд залуу нас сэтгэл зүрхээ зориулж хөдөлмөрлөж ирсэн учраас төр засгаас миний хөдөлмөр зүтгэлийг үнэлж Монгол Улсын Хөдөлмөрийн баатар цолоор шагнагдсан.

1.Миний нас 82 өндөр настан

2. Саажилт (тэргэнцэртэй)

3.Виз сунгагдах боломжгүй

зэрэг олон шалтгаан байхад хүндэтгэх шалтгаанд орохгүй бол өөр ямар шалтгаан хэрэгтэйг тодруулж өгнө үү?

ЭСЯ хол хориотой учраас очоод уулзах боломжгүй. Холбогдох утсаа авахгүй байна. Одоо бид хаана хандах ёстой вэ? Мөн тэнд надтай адил яах учраа олохгүй олон иргэд ЭСЯ үүдэнд сууж байсан. Иргэдэд үйлчлэх үүрэг хариуцлагатай томилогдсон Элчин сайд танаас дахин асууя?. Бид хэнд хандах вэ хүний нутагт?. Цахим ертөнц хөгжсөн хөгжилт нийгэмд амьдарч буй та иргэддээ өөрийн нүүр царайгаар мэдээлэл хийхийг хүсч байна. Энэ асуудал орхигдож болохгүй том асуудал үүсэхээс урьтаж иргэддээ үйлчилнэ үү?

Хүндэтгэсэн Д. Баттөр.

2020.04.07" гэжээ.

Г.Маргад