Засгийн газрын шийдвэрээр сүү бэлтгэж, сүү, сүүн бүтээгдэхүүн үйлдвэрлэгч компаниудад нийлүүлдэг феремерийн аж ахуй эхлэгчдэд жилд нэг удаа буюу хүйтний улиралд саасан литр сүү тутамд нь урамшуулал олгохоор болсон. Засгийн газрын шийдвэр гараад жилийн нүүр үзэж буй ч эл шийдвэр ажил хэрэг болж чадалгүй өнөөг хүрээд буй. Учир нь ХХААХҮЯ-наас холбогдох журмыг өнөөг хүртэл баталж чадаагүйгээс болж ийн гацсан гэдгийг холбогдох албанаас мэдээлж буй юм. Тиймээс энэ талаар ХХААХҮ-ийн дэд сайд Ж.Саулегаас тодрууллаа.
-Фермерийн аж ахуй эрхлэгчдэд хүйтний улиралд сүү, сүүн бүтээгдэхүүн үйлдвэрлэгч компаниудад нийлүүлсэн сүүний литр тутамд урамшуулал олгохоор болсон. Энэ асуудал яагаад удааширч байгаа юм бэ?
-Урамшуулалыг олгоё гэдгээ Ч.Улаан сайд бид хоёр хоёулаа сайд нарын зөвлөгөөн дээр хэлсэн. Эндээс зөвшөөрсөн учир бүх ажлаа төлөвлөгөөний дагуу хийж байгаа. Хамгийн гол санхүүжилтийг Сангийн яамнаас шийднэ шүү дээ.
-Засгийн газраас олгоё гээд Сангийн яаманд даалгасан санагдаж байна.
-Май гээд миний гар дээр ирсэн юм алга.
-Урамшуулал олгох журам хэзээ бэлэн болох юм бэ?
-Бэлэн болгоод сайд нарын зөвлөлийн хурлаар оруулсан. Гэтэл сайжруулах шаардлагатай гэсэн. Энэ дагуу яамдаас санал авч байгаа.
-Танай яамнаас журам баталчихвал Сангийн яамны санхүүжилтийг хүлээнэ гэсэн үг үү?
-Яг тийм. Сүүний урамшуулалыг олгож болно гээд төсөвт суулгаад өгвөл бид тарааж болно. Ч.Улаан сайд бид хоёрын хувьд урамшуулалыг нь өгчих юмсан гээд зүтгэж байгаа. Байр сууриа удаа дараа илэрхийлсэн. Гэхдээ коронавируснихй нөхцөл байдлаас улбаалж зарим зардлыг танах, тэвчих ёстой гэж байгаа.
-Фермерүүдэд яаж олгох юм бэ. Хэдэн хүнд олгох нарийн тоо гаргахад хүндрэлтэй гэж байсан?
-Сүүний үйлдвэрт тушаасан тушаалтаар нь урамшуулал олгоно.
Г.Нацаг