УИХ-ын чуулганы өнөөдрийн хуралдаанаар УИХ-ын Дэгийн тухай хуульд нэмэлт оруулах эсэх талаар хэлэлцэж байна. Чуулганы нэгдсэн хуралдаанд 57 гишүүн оролцсоноос гишүүдийн олонхийн саналаар хуулийн төслийг дэмжих нь зүйтэй гэж үзлээ. Ингэснээр хуулийн төслийн анхны хэлэлцүүлгийн Төрийн байгуулалтын байнгын хороогоор хэлэлцэх юм.  үеэр гишүүд өөрсдийн байр суурийг илэрхийлснийг хүргэе.

Х.Нямбаатар: Засгийн газар дайны бллон онц байдлын үед авч хэрэгжүүлэх зарим арга хэмжээг авч хэрэгжүүлж байна. Засгийн газар энэ тал дээр хууль эрх зүйн орчны тодорхой байдал бий болгох, нийгмийн харилцаанд тодорхой хэмжээний өөрчлөлт гарч байгаа учраас хууль гаргах шаардлагатай байна. Хуулиар хугацаа тогтоосон олон арга хэмжээ бий. Бүгдэд нь нэмэлт, өөрчлөлт оруулах замаар хийх боломжгүй. Тиймээс Засгийн газар хууль гаргах ёстой.

Хоёрдугаарт, онцгой нөхцөл байдлын үед цаг барих гэдэг нь зөв. Гэхдээ гишүүдийн үг хэлэх зэрэг асуудлыг хязгаарлаж болохгүй. Бид аль болох мэтгэлцээнийг хязгаарлахгүй байж Үндсэн хууль хэрэгжих учиртай Засгийн газар уг хуулийг тавдугаар сарын 25-аас өмнө батлах ёстой. Цахим дэгийн асуудалд аюулгүй байдлаа сайн хангах ёстой.

Д.Эрдэнэбат: Цахим хуралдааныг өөрчилж болно. Гэхдээ яах гэж цахим хуралдаан хийж байгаа талаар илүү ач холбогдол өгөх ёстой. Зөв шийдвэрийг богино хугацаанд гаргах ёстой. Гамшгийн онцгой нөхцөл байдалд хэрэгжих хууль гэж гаргамаар байна. Яагаад татгалзаад байгааг ойлгохгүй байна. Танай, манай нам гэсэн зүйл байх ёсгүй. Дутуу дулимаг зүйл хийчихээд хууль өөрчлөх ямар шаардлага байгаа юм.

Б.Лхам