УИХ-ын чуулганы хуралдаан Засгийн газраас гаргасан 5.1 их наяд төгрөгийн багц арга хэмжээний талаар үргэлжилж байна. Хуралдааны үеэр гишүүд асуулт асууж, хариулт авлаа. 

М.Билэгт: У.Хүрэлсүх тэргүүтэй Засгийн газар малчдынхаа орлогыг бууруулахгүй хамгаалах оролдлого авч байгаад малчид талархаж байна. Засгийн газраас ноолуурын үнийг бууруулахгүйгээр орлогыг хамгаалах, жилийн гурван хувийн зээл олгох асуудал яригдаж байна. 2008 оны сонгуулиар УИХ-ын гишүүн асан Б.Батбаяр манай аймагт нэр дэвшиж байхдаа “Та бүхэн ноолуураа 40 мянган төгрөгөөр өгөх хэрэггүй. Намайг гишүүн болсны дараа 60 мянган төгрөг болно гэж хэлж. Намар болтол хүлээгээд л байж. Гэтэл үнэ нь улам унасан. Ингээд малчид хохирсон учраас энэ асуудлыг байнга асууж байна. Ноолуураа хадгалаад байж болох уу. Үнэхээр 100 мянган төгрөг болох юм уу” гэдэг зүйл асууж байна. Энэ талаар тодорхой хариулт өгөөч.

Ч.Улаан: Ноолуур худалдаж авах эх үүсвэр, санхүүжилт ойлгомжтой байгаа. Бид арилжааны банкуудтайгаа гэрээ хийж байна. 300 тэрбум төгрөгийн эх үүсвэр нь ноолуур худалдан авах эх үүсвэр юм. Санхүүжилтийг ноолуур бэлтгэн нийлүүлэгчдэд хүрэх асуудлыг банкаар дамжуулна. Зээл авах ААН тодорхой хэмжээний шалгуур хангасан байх ёстой. Бэлтгэн нийлүүлэгчдээс болзол хангасан ААН цөөн байна. Тиймээс барьцааны асуудлыг эргэн харах ажил хийгдэж байна. Одоогоор ноолуур худалдан авалт болоогүй.

Б.Лхам