ХӨСҮТ-ийн захирал Д.Нямхүү “Энэ сарын 7-нд ХӨСҮТ-д сэжигтэй тохиолдол тусгаарлагдаагүй. Сэлэнгэ аймагт тусгаарлагдсан таван хүний давтан шинжилгээ сөрөг гарсан. Харин нэг хүний шинжилгээний хариунд коронавирус илэрлээ. Ингэснээр Монгол Улсад батлагдсан 16 тохиолдол илэрлээ. Өчигдөр нийт 237 хүнд шинжилгээ хийсэн. Илэрсэн хүн гуравдугаар сарын 26-27-нд шилжих шөнө хойд хилээр орж ирсэн. Ганцаараа тусгаарлагдсан байсан. Анхын шинжилгээгээр сөрөг гарч байсан ч давтан шинжилгээгээр халдвар илэрлээ. Тиймээс тусгаарлалт, ажиглалтад байлгах нь ийм учиртай юм. Онцгой нөхцөлд энэ аюулыг тэвчээртэй хүлээх, халдвараас хамтдаа урьдчилан сэргийлэх хэрэгтэй байна" гэлээ. 

А.Сүх