Коронавирусний халдвар дэлхийн ихэнх оронд бүртгэгдэж, Европ тивд эрчимтэй тархаж байна. Энэ талаар ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа "Франц улсад нас барсан хүн 10 мянгыг давсан байна. 7131 хүн эрчимт эмчилгээнд байна. Европ тивд халдварын тохиолдол эрчимтэй нэмэгдэж байна. АНУ-ын халдварын голомт болоод байгаа Нью Йорк хотод нэг өдрийн дотор 731 хүн нас барлаа. БНХАУ-ын Ухань хотод 76 хоногийн турш гаргасан хатуу чанга хорио цээрийг өнөөдрөөс зогсоолоо. Ингэхдээ урьдилан сэргийлэх, халдваргүйжүүлэх ажлыг эрчимжүүлэх шаардлагатай гэдгийг мужийн захирагч хэлжээ. ДЭМБ-аас өчигдөр хийсэн хэвлэлийн хурлын үеэр улс орон бүр харилцан адилгүй халдвар тархаж байгаа ч хөл хориог эрт цуцалж, сонор сэрэмжээ алдаж болохгүй гэдгийг онцолсон" гэлээ.

А.Сүх