УИХ-ын Эдийн засгийн байнгын хорооны өнөөдрийн хуралдаан нэлээд ширүүхэн боллоо. 

Тухайлбал, УИХ-ын гишүүн Ч.Хүрэлбаатар "Төрөөс 325 тэрбум төгрөгийн эх үүсвэрийг гаргасан. Энэ эх үүсвэр зээл болж гарсан уу. Би хувьдаа зээл болж гарсан гэхэд эргэлзэж байна. Ний нуугүй хэлэхэд. Төсвөө тодотго гэж акц хийж над руу дайраад л байсан. Эцэстээ арилжааны банкуудад мөнгө өг гэдэг санал оруулж ирж байна. Улс орны эдийн засаг хүнд байна, ард иргэдээ бодсон бодлого явуулна гэсэн чинь хаана байна вэ.

Ингэж гурав, дөрвөн нүүр гаргахаа болих хэрэгтэй. Ичээч ээ, Д.Эрдэнэбат аа, яаж ингэж хэлж чадаж байна аа" гэсэн юм.

Үүний хариуд Д.Эрдэнэбат гишүүн "Ч.Хүрэлбаатар сайд аа, өөрийн бодсноо битгий хэлж бай. Арилжааны банк гэж хэлээгүй. Удахгүй санал уншигдах байх. Арилжааны гэж үг байхгүй. Банкуудын системийн гурван хувьтай тэнцэх хэмжээний зээлийн эрхийг банкуудад олгооч гэдэг үг бий. Олон банк байгаа биз дээ. Битгий гөрдөөд бай. Чи намайг арилжааны банкуудын лоббид орчихсон гэж хэлэх гээд байгаа юм уу. Тийм зүйл байхгүй шүү. Чи банкуудаа дампууруулмаар байвал дампууруулаад дуусга. Гадаадын банкаа оруул чи. Надад энэ чинь хамаагүй за. ААН-үүдэд яаж зээл өгөх вэ гэж ярьж байхад арилжааны банк гэж далийгаад байх юм. Солиотой юм уу. Төсвийн тодотгол хүссэн, хүсээгүй хийнэ чи, за" гэлээ.

Г.Маргад