УИХ-ын Эдийн засгийн байнгын хорооны өнөөдөр хуралдлаа. Хэлэлцэж байгаа асуудалтай холбогдуулан гишүүд байр сууриа илэрхийлсэн юм. Тухайлбал, хүнсний аюулгүй байдлыг хангах, импортын бүтээгдэхүүнийг орлох, дотоодын хүнсний хангамжийг сайжруулах зорилгоор үндэсний үйлдвэрлэгчдээ дэмжих, ЖДҮ-ийн хөгжлийн сангийн хөрөнгийг нэмэгдүүлэн иж бүрэн цогц төлөвлөгөө гарган ажиллах саналыг Д.Тэрбишдагва нарын дөрвөн гишүүн гаргасан юм. Уг асуудлаар УИХ-ын гишүүн Д.Тэрбишдагва тайлбар хийсэн юм.
Тэрбээр "Монгол хүн эрүүл хүнс хэрэглэх ёстой. Импортыг орлох бүтээгдэхүүн үйлдвэрлэлийг дэмжих хэрэгтэй. Бид хээлтэгч малынхаа зөвхөн 6.1 хувийн сүүг ашиглаж байна. Гаднаас хуурай сүү авах биш, дотоодоосоо шингэн сүүгээ хангах ёстой биз дээ. Гэтэл гаднаас хуурай сүү зөөх юм. Хүлэмжийн аж ахуйгаа бүрэн утгаар нь хөгжүүлмээр байна. Жимс, жимсгэнийн хувьд гадил жимс зэрэг цөөн нэр төрлийг дотооддоо тариалах боломжгүй байгаа. Бусдыг нь дотооддоо тариалах боломж бүрэн бий. Тиймээс дотоодын аж ахуйгаа дэмжих тал дээр гишүүд анхаармаар байна. Монгол Улс импортлогч бус үйлдвэрлэгч орон болоход тун ойрхон байна. Тиймээс тогтоолын төслийг дэмжих хэрэгтэй" гэдгийг онцоллоо.
Ингээд зарчмын зөрүүтэй томъёоллоор санал хураалт явуулснаар гишүүдийн 61.5 хувь нь дэмжлээ.
Сэтгэгдэл (2)