УИХ-ын чуулганы нэгдсэн хуралдаанаар хүн амын төвлөрөлийг хэрхэн сааруулах, мөн хөрсний гадаргуун усыг ашиглах талаар Алсын хараа-2050 урт хугацааны хөтөлбөрт хэрхэн тусгасан талаар УИХ-ын гишүүн Д.Тогтохсүрэн тодруулсан. Үүний хариуд Улаанбаатар хотыг нүүлгэн шилжүүлэх хамгийн тохиромжтой бүс нутаг нь Архангай аймгийн Өгийн нуур орчим тооцогдож буйг чуулганы нэгдсэн хуралдаанаар Үндэсний хөгжлийн газраас мэдээлэл өглөө. 

Харин БОАЖ-ын сайд Н.Цэрэнбат "Урт хугацаан хөтөлбөрт усыг үнэт зүйл гэж тусгасан. Байгалийн тогтоц, хур тундасыг ашиглаж усны нөөц бий болгоно. Мөн томоохон голуудад урсацын тохиргоо хийж олон зориулалтын сан бий болгох ТЭЗҮ хийж, батлуулж, барилгын ажлыг эхлүүлнэ гэж заасан. Монгол Улсын төрөөс энэ чиглэлээр анхаарч ажиллаж ирсэн. Ялангуяа ус ашигласны төлбөрийг нэмэх зохисгүй, хууль бусаар ашигласан бол хуулийн дагуу хариуцлага тооцдог байх гээд өмнө нь гарч байсан алдааг засаж ирсэн. Ингэж байж хүн амын төвлөрлийг сааруулна" гэлээ.  

Г.Маргад