Улсын онцгой комиссын Шуурхай штабаас тусгай нислэгтэй холбоотой асуудлаар мэдээлэл хийлээ. 

Энэ үеэр ОБЕГ-ын дарга, хошууч генерал Б.Бадрал "Дархан-Уул аймагт оношлуур зөрүүтэй гарсан гэдэг зүйл яригдсан. Энэ асуудал өнөөдөр эцэслэгдэх байх. Өнөөдрийн байдлаар дэлхийн 44 улсад 7644 иргэн эх орондоо буцах хүсэлт гаргасан.

Эдгээрээс бага насны хүүхэдтэй 830 хүн, эрүүл мэндийн шалтгаантай 86 хүн, өндөр настан-270, жирэмсэн-32, бага насны хүүхэд-307, оюутан-973, богино хугацааны визтэй-215, байрлах газаргүй болсон-409 санхүүгийн хүндрэлд орсон-89 гээд иргэн 4413 хүн бий гэсэн судалга бий. Эдгээрийг нэн тэргүүнд авчрах ангилалд багтаж байна. 

Биднийг ирж аваач гэсэн Монгол иргэдийн хүсэлт, нөгөө талаасаа эрсдэл өндөр улсаас битгий хүн авчир гэсэн эсэргүүцэл дунд УОК, Засгийн газар ажиллаж байна.

Төр иргэдээ татаж авахаар ажиллаж байна. Онгоцоор татаж авахгүй байх олн шалтгаан бий. улс орнууд хилээ хаагаад нээхгүй бол татах боломжгүй болно. ОХУ хэд хэдэн шалтгааны улмаас нислэгүүдээ цуцалж байна. Бид одоо дараагийн нислэгийн төлөвлөгөөг гаргаж байна. Энэ сарын 17-нд нислэг үйлдэнэ. Гэхдээ зөвхөн Солонгосоос авахгүй. Америк, Австрали улсаас ирэх иргэдийг хамтад нь авна.

Энэтхэг улсад 314 лам хүүхэд байна. Энэ асуудлаар ярилцаж байна. Австралид байгаа иргэд санхүүгийн дарамтад орсон байна. Дөрөвдүгээр сарын 30-нийг хүртэл хорио цээрийн дэглэм тогтоосон. Гэхдээ цаашид сунгагдаж магадгүй. УОК-ийн дараагийн хурлаар шийднэ. Сүүлийн үед иргэдийн анхаарал суларч байна. Тиймээс ирэх нэгдэх өдрөөс иргэдийн хөдөлгөөнийг хязгаарлана гэлээ.