УИХ-ын дарга Г.Занданшатар, УИХ-ын гишүүн Б.Чойжилсүрэн, Б.Баттөмөр, Монголбанкны ерөнхийлөгч Б.Лхагвасүрэн нар шинэ төрлийн коронавирусийн халдвартай холбогдуулан өнөөдөр цар тахлын үед ард иргэдийн эрүүл мэнд, орлогыг хамгаалах, санхүү эдийн засгийн тогтвортой байдлыг хангах, эрсдэлээс урьдчилан сэргийлэх, банкны реформ хийх чиглэлээр хийж байгаа ажлаа танилцууллаа. Тодруулбал, дэлхий нийтэд шатахууны үнэ буурч байна. Энэ үеийг ашиглаж нөөц бүрдүүлснээр 600 тэрбум төгрөг хэмнэх тооцоо бий гэлээ. Мөн энэ сарын 11-ний өдрөөс шатахууны үнийг 300 төгрөгөөр хямдруулна. Банкны салбарын шинэтгэлийн хөтөлбөрийг ирэх долоо хоногоос хэлэлцэж эхэлнэ. Банкны өөрийн хөрөнгоор олгосон 500 хүртэл сая төгрөгийн зээлийн хүүд гурван сарын хугацаанд тодорхой хөнгөлөлт үзүүлэхээр болсон.

Зээлийн хүү хадгаламжийн хүү бууруулах чиглэлээр харилцах дансанд хүү тооцохгүй байхаар чиглэл гаргасан. Ипотекийн зээлийг дэмжих чиглэлээр эмч, эмнэлгийн ажилтан, цагдаагийн ажилтнуудыг тусгай нөхцөлөөр энэ төрлийн зээлд хамруулна. Ингэснээр 100 мянган ажлын байрыг Улаанбаатар хотод хадгална гэж тооцсон талаар хэллээ. Мөн Цар тахлын тухай хуулийн төслийг боловсруулах ажлын хэсэг хуулийн төслийн саналыг Засгийн газарт хүргүүлнэ. Энэ хуулиар төсвийн тодотгол хийх эрхийг Засгийн газарт шилжүүлнэ" гэсэн юм.

Түүнчлэн арилжааны банкыг нээлттэй хувьцаат компани хэлбэрт шилжүүлж, реформ хийх хуулийн төсөл бэлэн болгосон байна. Ингэснээр нэг хувьцаа эзэмшигч 20 хувиас илүү хувьцаа эзэмших эрхгүй болох юм. Мөн хөнгөн ялтай ялтнуудыг ажил хийлгэх байдлаар суллаж, өршөөх асуудлыг ярьж байна гээ төсвийн тодотгол хийх эрхийг Засгийн газарт шилжүүлсэн гэлээ.