Коронавирусний халдварын эсрэг Засгийн газраас хэрэгжүүлж байгаа ажлын талаар УИХ-д танилцуулж байна. Энэ үеэр гишүүд үг хэлж, асуулт асуусан юм. 

Б.Дэлгэрсайхан: Өнгөрсөн хугацаанд Камын-Үүд боомтоор нэлээд хүн орж ирсэн. Засаг захиргааны байгууллагууд сайн ажиллаж байгаа. Хоёрдугаар сарын 1-ээс өнөөдрийг хүртэл үйл ажиллагаа зохион байгуулж байгаа ажилчид 24 цагаар ажиллаж байна. Эдгээрийн томилолтын зардал, нэмэлт хөлсийг тооцож өгөх боломж бий юу. Хоёрдугаарт, Замын-Үүдэд 1500 гаруй жолооч тээвэрлэлтэд явж амьжиргаагаа залгуулдаг. Тиймээс үүссэн нөхцөл байдалтай холбогдуулан иргэд амьжиргаагаа залгуулж чадахгүй бухимдалтай байна. Тиймээс ачаа тээвэрлэх зорилгоор 200 тээврийг Эрээн хот руу оруулахгүйгээр халдвар ариутгалыг хийж явуулах асуудлыг зохицуулж өгөх боломж бий юу.

Ө.Энхтүвшин: Зорчих хөдөлгөөнийг л хязгаарласнаас ачаа тээвэрт ямар нэгэн саад учруулахгүйгээр зохицуулж ирсэн. Нэг хэсэг нүүрс тээвэр зогссон. ӨвөрМонголд халдвартай тохиолдол байхгүй учраас нүүрс тээвэр, газрын тос, жонш зэргийг гаргая гэж байгаа. Энэ талаар хятадын талтайгаа ярилцах хэрэгтэй. 

Ажлын хэсэг: Одоогоор аль ч боомтод С зөвшөөрөл нүүрс тээвэрлэж байгаа. D зөвшөөрлөөр нүүрс тээвэрлэх асуудлыг дахин судлах хэрэгтэй байх. Хятадын талаас манай улсын халдвартай тал гэж хараад байгаа учраас эргэн судлан хариу өгье.   

Б.Лхам