Булчингийн массаа хадгалж жин хасах бол маш хэцүү нарийн мөн хүн бүр өөр өөр байх магадлал өндөр байдаг. Бэлтгэл болон хоололтыг маш сайн хоршуулж тохируулж байж булчингийн массаа бага алдаж жин хасна. Огт булчингийн масс алдалгүйгээр жин хасна гэсэн ойлголт огт байхгүй гэдгийг хэзээ ч маотаж болохгүй. Нэг үгээр, өдрийн авч буй ккал багасаж эрчимтэй хөдөлгөөн багасдаг учир тодорхой хэмжээнд булчин масс алддаг. Харин тэр алдагдаж буй булчин массыг маш бага байлгах нь гол зорилого юм.
Энэ үед хоолны дэглэм ямар байвал зохистой вэ?
Жин хасаж байх үед хамгийн чухал зүйл бол уурагны хэмжээ. Уурганы хэмжээг биеийн жинг 1.8-2.5 хүртэл тоогоор үржүүлж уургаа авж байвал булчин масс алдахгүй байх талтай. Мөн ханаагүй тосны хэмжээг тодорхой хэмжээнд өндөр байлгавал маш сайн.
Учир нь testosterone даавар нь ханаагүй тос тосны хүчлээс бүрддэг учир тос тодорхой хэмжээнд өндөр байж гэмээнэ testosterone-ийн хэмжээн тогтмол байж булчин массаа хадгална. Нүүрс усны хувьд бага. Гэхдээ огцом бууруулж болохгүй. Бага багаар долоо долоо хоногоор буруулах хэрэгтэй. Мөн бэлтгэлийн өмнө болон эрчимтэй хөдөлгөөний өмнө биш бол хурдан задардаг төрлийн нүүрс ус бага авах хэрэгтэй. Учир нь хөдөлгөөн хийхгүй үедээ хурдан задардаг нүүрс ус авбал тэр нь жин хасахад сөргөөр нөлөөлнө.
-Бэлтгэлийн хувьд хүчний болон 16-20 давталттай бэлтгэлийг хослуулж хийх хэрэгтэй. Жин хасаж байна гээд маш олон тоогоор бүх дасгалаа давтах нь маш буруу. Учир нь булчинд хүнд жинг нь мэдрүүлж тэр жинг даахын тулд жижгэрэхгүй байх ёстой гэсэн дохиог үргэлж өгж байх хэрэгтэй. Тийм учраас гурван дасгал орлоо гэж бодоход нэг дасгалын хүнд маягаар хийж, нөгөө хоёрыг нь давтах маягтай хийвэл маш үр дүнтэй. Жин хасаж байх үед төмөр өргөх бэлтгэлийг маш хурдан өндөр эрчимтэй хийж гүйцэтгэж дууссаны дараа кардио дасгал хийх хэрэгтэй. Гэхдээ 60 минутаас дээш кардио дасгал дэмий. Харин төмөр өргөх бэлтгэлээс кардио дасгалыг салгаж өглөө болон оройн цагаар гадаад орчинд агаарт алхах, гүйх зэргээр кардио хийх нь илүү сайн.
- Жин хасаж байх үед хэрэглэвэл зохистой нэмэлт бүттэгдэхүүний хувьд хамгийн түрүүнд BCAA маш чухал. Өглөө болон бэлтгэлийн өмнө хэрэглэхэд цусанд шууд шимэгддэг. Мөн цусан дахь ядралтын дааврыг багасгаж булчингийн уналтыг бууруулдаг. Тийм учраас бэлтгэлийн өмнө хэрэглэхэд маш хэрэгтэй. Хоёрдугаарт, creatine энэ бол булчин дахь хуримтлагдсан усыг хадгалж хүчийг унагахгүй булчин дахь амин хүчлүүдийг хөлсөөр гаргадаггүй. Тиймээс ядралт бага байлгана. Мөн isolate whey, whey уурагнууд хэрэгтэй нүүрс усгүй цэвэр уурагнууд учраас хурдан шингэж булчинг унахаас мөн адил сэргийлнэ.
