Энэ ням гарагт буюу тавдугаар сарын 3- нд харцага, начин цолтнуудын багийн халз барилдаан онлайнаар зохион байгуулагдахаар болжээ. Монголын Үндэсний бөхийн холбоо, “Хамаг Монгол” студи хамтран зохион байгуулж байгаа бөгөөд идэр залуу хүчтэнүүдийн төлөөлөл болох улсын харцага Б.Бат-Өлзий, Д.Анар, Б.Одгэрэл, М.Бадарч, Н.Золбоо, Т.Бэгзсүрэн, өсөх идэр начин Ч.Хөхчирэнгэр, улсын начин Б.Амарзаяа, Ц.Одбаяр, Э.Даш, Б.Серик, Б.Орхонбаяр нар оролцох аж. Халз барилдааныг “UNILIVE – 88”, “DDISH LIVE-900” сувгаар дамжуулах юм байна. Төлбөр зургаан мянган төгрөг байх бөгөөд олсон орлогыг цар тахлын голомтод ажиллаж буй ХӨСҮТ-ийн эмч, сувилагч нар болон Улсын онцгой комисст хандивлах аж.