Цагдаагийн ерөнхий газраас өнөөдөр цаг үеийн асуудлаар мэдээлэл хийлээ. Энэ үеэр ЦЕГ-ын Хэвлэл мэдээллийн төвийн дарга, дэд хурандаа Б.Баатархүү “Дөрөвдүгээр сарын 23-ны өдөр Хөвсгөл аймгийн Ренчинлхүмбэ сумын иргэн, 39 настай эрэгтэй ор сураггүй алга болсон дуудлага, мэдээллийн дагуу аймгийн цагдаагийн газраас эрэн сурвалжлахад тухайн иргэн нь дөрөвдүгээр сарын 22-ны өдөр архидан согтуурч, ууган хүүтэйгээ маргалдсан байна. Энэ үеэр амийг хөнөөж, ул мөрөө баллах зорилгоор нуусан байсныг шуурхай илрүүлж, хэргийг үргэлжлүүлэн шалгаж байна" гэлээ. мөн “Босоо хөх Монгол” ТББ-ын гишүүн иргэн А-г 1979 онд төрсөн Ж гэгч хутгалсан нь тогтоогдсон. Дорноговь аймгийн цагдаагийн газар хэрэг нээн, шалгаж байна. 

Түүнчлэн цагдаагийн хурандаа Ч.Чинбат болон сэтгүүлч Н.Өнөрцэцэгийн биед халдсан, зодсон гэдэг асуудал гарсан.

Уг хэргийг ЦЕГ-ын Дотоод хяналт шалгалтын албанаас шалгалт хийхэд цагдаагийн алба хаагчийн буруутай болох нь тогтоогдоогүй. Шалгалтыг тухайн үед байсан гэрч, дүрс бичлэгийг үндэслэж хийсэн. Өөрөөр хэлбэл, тухайн сэтгүүлч нь хэрэг шалгаж байгаа байцаагчтай биш хэлтсийн даргын өрөөнд орж, ажил үүргээ гүйцэтгэж байсан алба хаагчийг доромжилж, ажил үүрэгт нь саад учруулсан. Тиймээс албан шаардлага тавьсан нь тогтоогдсон. Цагдаагийн байгууллагын тухай хуулиар цагдаагийн алба хаагч нийгмийн хэв журам зөрчих, гэмт хэрэгтэй холбоотойгоор бусдад шаардлага тавих эрхтэй. Энэ дахгуу шаардлага тавихад шаардлагыг үл биелүүлсэн. Тиймээс хуульд заасан эрх хэмжээний хүрээнд албадлага хэрэглэж өрөөнөөсөө гаргасан. Энд ямар нэгэн хууль зөрчсөн үйлдэл байгаагүй. Энэ бүхэн бичлэгээр нотлогдсон” гэв.