Цагдаагийн ерөнхий газрын Хэвлэл мэдээллийн төвийн дарга, хурандаа Б.Баатархүү олны анхаарал татсан хэргүүдийн талаар сэтгүүлчдийн асуултад хариулж, өнөөдөр мэдээлэл өгсөн билээ. Тэрбээр энэ үеэр сэтгүүлчдийн асуусан асуултад хариулт өгсөн юм. 

-Сүүлийн үед цагдаагийн алба хаагчийн биед халдсан, хэл амаар доромжлох явдал олноор гарах боллоо. Ийм үйлдэл гаргавал ямар хариуцлага хүлээлгэдэг юм бэ?

-Хуулиараа тусгай албадлага, нэг хүнд хэрэглэх тусгай хэрэгсэл хэрэглэх эрхтэй. Сүүлийн үед шөнийн цэнгээний газрын арга хэмжээг шалгасан цагдаагийн алба хаагчид халдсан, согтууруулах ундаа хэрэглэсэн иргэд доромжлох үйлдэл, замын цагдааг алгадсан зэрэг үйлдэл гарсан. Цагдаагийн алба хаагчид халдсан тохиолдолд эрүүгийн хуулиар хариуцлага хүлээлгэдэг.

-"Зөв амьдрах ухаан" ТББ-ын тэргүүн Г.Загдааг саатуулаад багагүй хугацаа өнгөрлөө. Түүнийг яг ямар үндэслэлээр шалгаж байна вэ?

-Энэ талаарх мэдээлэл хэвлэл мэдээллийн хэрэгслээр хангалттай цацагдсан гэж бодож байна. Иргэн Г.Загдааг мөрдөн байцаалтын явцад цагдан хорих, таслан сэргийлэх арга хэмжээ авсан. Гэмт хэргийн хохирогч, холбогдогчийг шууд заасан, мөн бусдын бие махбодод хөнгөн гэмтэл учруулсан зэрэг хэд хэдэн хэрэг дээр яллагдагчаар татаж, мөрдөн шалгаж байна.