Ерөнхий сайд асан М.Энхсайханд холбогдох шүүх хурал гурав дахь хоногтоо үргэлжилж шийдвэрээ гаргалаа. Шүүхээс түүнийг гэм буруутайд тооцож, Эрчим хүчний яаманд хохирол учруулсан гэж үзсэн бөгөөд 55 сая төгрөгийг нөхөн төлүүлэх, нийтийн албанд томилогдох эрхийг дөрвөн жилийн хугацаагаар хасч, 4.6 жилийн хугацаагаар хорих ялаар шийтгэж, эрх хасах ялыг хугацаатай хорих ял эдэлж дууссан цагаас эхлэн тооцсон шийдвэр гаргав. Мөн Эрүүгийн хуулийн тусгай ангийн 22.1, 22.1.2 дугаар зүйл заалтаар буруутгасан үйлдлийг дахин нягтлуулахаар прокурорт буцаалаа. Зүйлчлэлийг нэгтгэсэн нь эрх зүйн байдлыг нь дордуулахгүй байх үүднээс авсан арга хэмжээ гэж улсын яллагч тайлбарлав. Одоо шүүх хуралдаан түр завсарлалаад байна. Энэ хооронд өмгөөлөгч нар Монгол Улсын сайд асан М.Энхсайхантай улсын яллагчийн шийдвэрийн талаар зөвлөлдөх юм.

Түүнд оногдуулсан ялыг нээлттэй хорих ангид эдлүүлэхээр тогтсон байна.