Өвөрхангай аймаг дахь Цагдаагийн газраас согтуугаар тээврийн хэрэгсэл жолоодсон 760 жолоочийн зөрчлийг илрүүлж, учирч болзошгүй эрсдэлээс урьдчилан сэргийлжээ.

Аймгийн хэмжээнд энэ оны эхний дөрөвдүгээр сарын байдлаар зөрчлийн 1488 гомдол мэдээлэл бүртгэгдсэн нь урьд оны мөн үеэс 24,7 хувиар буурсан байна. Бүртгэгдсэн зөрчлийн 1008 буюу 67,7 хувь нь согтууруулах ундааны зүйл хэрэглэсэн үедээ зөрчил гаргажээ.

Тодруулбал, согтууруулах ундаа хэрэглэсэн үедээ жолоо барьж осол гаргасан 34 иргэнийг гэмт хэрэгт холбогдон шалгаж байна. Мөн согтууруулах ундааны зүйл хэрэглэсэн үедээ тээврийн хэрэгсэл жолоодсон 760 жолоочийг эргүүл, хяналт, шалгалтаар илрүүлж, учирч болзошгүй эрсдэлт нөхцөл байдлаас урьдчилан сэргийлж, эрүүл мэнд, эд хөрөнгө, амь насыг нь хамгаалсан байна.

Иймд иргэн та архи согтууруулах ундааны зүйл хэрэглэсэн бол тээврийн хэрэгсэл жолоодохгүй байхыг сэрэмжлүүлэхийг Тээврийн цагдаагийн албанаас мэдээллээ.