Дэлхийн нийтээр халдварын тохиолдол өнөөдрийн байдлаар 88.2 мянган тохиолдол шинээр нэмэгдэж, нийт халдварйн тохиолдлын тоо 4.4 саяд хүрч байна.
Эдгэрсэн хүний тоо 1.6 сая, нас барсан хүн 297.8 мянга, эмчлүүлж буй хүний тоо 2.5 саяд хүрчээ. Халдварын нийт тохиолдлын тоогоор өндөр хөгжилтэй G7-гийн орнууд болон БРИКС-ын орнууд тухайлбал, Бразил, Энэтхэг, ОХУ, Хятад, Өмнөд Африк зэрэг улсууд тэргүүлж байна.
Халдвар АНУ-д 21.7 мянга, Бразилд 11.5 мянга, ОХУ-д 10 мянга, Перуд 4.2 мянга, Энэтхэгт 3.7 мянга, Их Британид 3.2 мянган тохиолдол нэмэгджээ.
Харин ОХУ-ын хил залгаа муж, улс, хязгаарын хувьд Эрхүү мужид нийт 353, Буриад улсад нийт 687, Забайкальскийн хязгаарт 386, Тува улсад 157 тохиолдол буюу нийтдээ 1583 тохиолдол бүртгэгдээд байна.