Жүжигчин Т.Билэгжаргал хар тамхины хэрэгт удаа дараа холбогдсон билээ. Түүнийг цагдаагийн байгууллагаас өнгөрсөн онд дайчлан баривчилсны дараа ээжийгээ зодож буй бичлэг нь цацагдсан.
Жүжигчин Т.Билэгжаргалд нийслэлийн Прокурорын газраас Эрүүгийн хуулийн тусгай ангийн 20.7 дугаар зүйлийн 1, 11.4 дүгээр зүйлийн 1 дэх хэсгүүдэд зааснаар яллах дүгнэлт үйлдэж, холбогдох эрүүгийн хэргийг Сүхбаатар дүүргийн Эрүүгийн хэргийн анхан шатны шүүхэд өнгөрсөн гуравдугаар сарын 27-ны шилжүүлсэн юм.
Энэ дагуу шүүх хурал өнгөрсөн дөрөвдүгээр сарын 21-ний өдрийн 10.00 цагаас эхэлсэн ч СЭМҮТ-ийн шинжээчид "Сэтгэцийн эмгэгтэй, хэрэг хариуцах чадваргүй" гэсэн дүгнэлт ирүүлсэн байсан юм. Тиймээс
Уг дүгнэлтийг баталгаажуулах үүднээс таван шинжээчийн бүрэлдэхүүнтэй шинжээчийн баг гаргах нь зүйтэй гэж үзэн шүүх хуралдааныг энэ сарын 13-ны 10.00 цаг хүртэл хойшлуулсан юм. Гэвч дээрх шинжээчид Т.Билэгжаргалын сэтгэцийн шинжилгээний дүгнэлтийг тодорхойгүй шалтгааны улмаас шүүх хуралд ирүүлээгүй аж. Тиймээс шүүх хуралдааныг энэ сарын 22-ныг хүртэл дахин хойшлуулжээ.
Сэтгэгдэл (1)