Салхитын мөнгөний ордын хахуулын хэргээр Улсын Дээд шүүхийн Иргэний хэргийн танхимын шүүгч Д.Цолмон, Г.Цагаанцоож, Захиргааны хэргийн давж заалдах шатны шүүхийн шүүгч Э.Халиунбаяр, Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Цолмонбаатар, Чингэлтэй дүүргийн Иргэний хэргийн анхан шатны шүүхийн ерөнхий шүүгч Б.Сайханцэцэг болон бусад иргэдийг холбогдуулан шалгасан билээ. Эдгээрээс гадна Ц.Амарсайхан шүүгчийг мөн холбогдуулан шалгасан ч хэргийг тусгаарлаж шалгаж буй. Учир нь гадаадад эмчилгээ хийлгэхээр явснаас хойш эргэн ирээгүй байгаа юм.

Уг хэрэгт нэр бүхий шүүгчдэд хахууль өгсөн Б.Мөнгөншагай, Г.Жаргалан, зуучилсан үйлдэлд Хан-Уул дүүргийн Цагдаагийн нэгдүгээр хэлтсийн Мөрдөн байцаах тасгийн даргаар ажиллаж байсан хошууч Г.Алтан-Очир нар холбогдоод байгаа юм.

Эдгээр яллагдагч нарт холбогдох хэрэг өнөөдөр болж буй бөгөөд шүүгчдэгч нараас хоёр шүүгчид холбогдох хэргийг хэрэгсэхгүй болгосон байна.

Тэгвэл албан бус мэдээллээр цагаадсан хоёр шүүгч нь Дээд шүүхийн Иргэний хэргийн танхимын шүүгч Д.Цолмон, Г.Цагаанцоож нар бололтой.

Харин шүүгч Ш.Мөнгөншагай,  Г. Жаргалан, Э.Халиунбаяр нар гурван жилийн ял авсан бол шүүгч Б.Цолмонбаатар таван жилийн ял, Цагдаагийн мөрдөх тасгийн дарга асан хошууч Г.Алтан-Очир гурван жилийн ял оноосон байна.

Ташрамд дурдахад, нийслэлийн Прокурорын газраас Ш.Мөнгөншагай нарын 15 хүнд Эрүүгийн хууль (шинэчилсэн найруулга)-ийн тусгай ангийн 22.5-1 (хахууль өгөх), 22.4-2.4 (хахууль авах), Эрүүгийн хуулийн 268.1 (хээл хахууль авах), 269.1 (хээл хахууль өгөх)-д зааснаар яллах дүгнэлт үйлдэж ирүүлсэн байдаг.