Эрүүл мэндийн яамнаас ээлжит хэвлэлийн хурлаа хийлээ.

Энэ үеэр ЭМЯ-ны Эмнэлгийн тусламж үйлчилгээний хэлтсийн дарга Я.Буянжаргал “Өнөөдөр Москва-Улаанбаатар чиглэлийн нислэгээр 170 иргэн ирсэн. Эдгээр игэдийг тусгаарлах байранд ажиглалтад авсан. Тусгаарлан ажиглах байранд нийт 1119 иргэн байгаагаас 0-5 хүртэлх насны, жирэмсэн, сахар болон даралт ихсэх өвчтэй гэсэн оноштой 167 иргэн байна.

Түүнчлэн 878 иргэн гэрийн тусгаарлах ажиглалтад байгаагаас 710 нь нийслэлд байна. Түргэн тусламжийн үйлчилгээнд хоногт 1759 дуудлага авсан. Үүний ихэнх нь 0-5 хүртэлх насны, осол гэмтлийн болон төрөлхийн дуудлдага ирсэн.

Бид бусад мэргэжилтнүүдтэй хамтран нийгмийн эрүүл мэдийн найм дахь судалгааг хийсэн. Судалгаагаар хүн амын дунд халдвар гарвал ямар нөхцөл байдал үүсэх талаар эрсдэлийн үнэлгээг нарийвчлан хийсэн юм. Судалгаагаар хүн амын дунд халдвар тархах эрсдэл өндөр байна гэсэн дүгнэлт гарсан” гэлээ.

А.Сүх