зургийг unreadtoday

Нийслэлийн ИТХ дахь Ардчилсан намын бүлгийн ахлагчаар төлөөлөгч М.Тулгатыг сонгосон байна. Тэрбэр Японы Осака гадаад хэлний дээд сургууль төгссөн. Эдийн засгийн ухааны магистр. 
Ажлын туршлагын хувьд Японы Софтбанк групп, санхүү төлөвлөгч, "Бэста" ХХК, үүсгэн байгуулж захиралаар нь ажиллаж байгаад 2013 оноос “Хишиг Арвин Индустриал” ХХК, дэд захиралаар ажиллаж буй.
Сонгуульт ажлын хувьд 2012-2016 онд Баянзүрх дүүргийн ИТХ-ын төлөөлөгч, Тэргүүлэгч, дэд дарга, 2016 онд АН-аас нэр дэвшиж, Нийслэлийн Иргэдийн Төлөөлөгчдийн Хуралд төлөөлөгчөр сонгогдсон. 2020  онд Нийслэлийн ИТХ дахь Ардчилсан намын бүлгийн ахлагчаар сонгогдлоо.

Өнгөрсөн сард УИХ-ын 2020 оны ээлжит сонгуульд АН-аас нэр дэвших горилогчдыг тодруулах үеэр М.Тулгатыг АН-ын ҮБХ-ноос дэмжээгүй. Энэ талаар тэрбээр "Уг нь дүрмээрээ явах ёстой. Гэтэл залуучуудынхаа боломжийг хулгайлж байна. Горилж байгаа хүн бүр нэр дэвших албагүй. Магадгүй үндэсний хэмжээний лидер байж болно. Судалгаагаар рейтинг өндөр гарсан байхыг үгүйсгэхгүй. Гэхдээ З.Энхболд гэдэг хүн Баянзүрх дүүрэгт юу хийсэн юм бэ. Өмнө Өвөрхангай аймгаас нэр дэвшсэн. Баянгол дүүрэгт нэр дэвшээд унаж байсан. Нэг л өдөр залуучуудын боломжийг хааж, хамгийн боломжтой тойрогт нэр дэвших гэж байна. Энэ ардчилал юм уу.

Боломжийн хулгай байгаа биз дээ. Өнөөдрийн ҮБХ-ны хурал өглөө нээлт хийсэн. Өдөр завсарласан, цахимаар хуралдсан болоод одоо санал хураалт явагдаж байна. Би бол санал хураалтын хуудсыг урчихаад гараад ирлээ. Дүрэм бол дүрэм байх ёстой. Залуучууд нь дүрмээ баримталж байхад юу ч болоогүй юм шииг өөдөөс инээж сууж байх юм, тэр З.Энхболд гэж хүн.

УИХ-ын 2016 оны сонгуульд АН-ыг ялагдуулсан хүн намын даргын дэргэд суугаад намын бодлогыг тодорхойлоод сууж байна. Ингэж болох уу. Би 100 сая төгрөгөө тушаасан. Одоо нэр дэвших боломжгүй болсон. Зөвхөн 100 сая төгрөгөөс болж бухимдсан юм биш. Залуу гишүүдтэй холбоотой асуудал учир бухимдаж байна" гэж байсан юм.