Ерөнхий сайд У.Хүрэлсүх өнөөдөр стартап бизнес эрхлэгч залуучуудын төлөөллийг хүлээн авч уулзлаа. Уулзалтад 1500 орчим залуус, 500 орчим стартап бизнес эрхлэгчдийн “Dreamers” нэгдлийн залуус оролцсон юм.  

Энэ үеэр Ерөнхий сайд У.Хүрэлсүх “Манай залуучууд гадаадын болон дотоодын зах зээлээс асар их хөрөнгө босгож байна. Гар нэгдэж ажиллаж чадаж байна.

Дуу хоолойгоо хүргэхийн төлөө зохион байгуулалтал орж, нэгнийгээ дэмжиж байгаад талархаж байна. Манай улсын хүн амын дийлэнх нь залуу үе.

УИХ-ын сонгууль ч гэсэн залуусын сонгууль. Гарааны бизнес эрхлэгчдэд хүүгүй, барьцаагүй зээл олгож байна. Тэд олон ажлын байр бий болгож байна. Тиймээс дэмжиж ажиллах нь зүйтэй. Ирэх сараас 80 орчим төрийн байгууллагын үйлчилгээг гар утсаараа дамжуулж авах боломжтой болно. Манай улс ухаалаг улс болох хэрэгтэй байна. Шинэ үеийн ертөнц ирж байна.

Орон нутгийн дата хэрэглээ ес дахин өссөн байна. Дахин дамжуулалт хэд дахин нэмэгдсэн. Технологийн компаниудаа дэмжих ёстой.

Бид 30 жил уул уурхайгаа ярьсан, ухсан. Тэгвэл одоо оюунаа ухъя. Асар их баялаг бидний уураг тархинд бий. Манай залуус оюун ухааны чадамжаараа дэлхийд эхний 10-т жагсаж байна. Тиймээс оюуны ухааны ашиглаж, хөгжүүлэх нь туйлын чухал байна.

Хэн юу хийж, бүтээнэ тэднийг дэмжиж ёстой. Түүнээс биш тар залуустаа тушаа болох учиргүй.
 

Энэ бол Ерөнхий сайдын зүгээс баримталж байгаа бодлого. Мэдээж бидэнд төсөв мөнгөний хүндрэл бий. Гэхдээ тусламж дэмжих бүх боломжоороо туслана” гэлээ.