Монголын шатахуун хэрэглэгчдийн холбоо болон Хувиараа тээвэр эрхлэгчдийн холбооноос шатахуун импортлогч компаниудтай холбогдох асуудлаар мэдээлэл хийлээ.

Энэ үеэр Хувиараа тээвэр эрхлэгчдийн холбооны зохицуулагч “Шатахуун импортлогч зөвхөн үнэ ярихаас цааш хэтрэхгүй байна. Хуурамч шатахуун үйлдвэрлэхэд ашигладаг бүтээгдэхүүнд татвар ногдуулдаг болъё гэж хуулийн төсөл боловсруулсан. Гэтэл УИХ-ын Эдийн засгийн байнгын хороо дэмжээгүй. Үүнээс өмнө олон удаа мэдээлэл хүргүүлсэн.

Шадар сайд Ө.Энхтүвшин хуурамч шатахуун байдаг юм байна гэж холбогдох байгууллагад албан бичиг явуулсан.

Мөн Л.Оюун-Эрдэнэ сайд “Та нар ажиллаж чадахгүй бол тусгай зөвшөөрлийг чинь цуцална” гэж мэдэгдэл өгсөн. Гэтэл монголын ард түмнийг шатахуун импортлогчид доромжилж байна. 100 төгрөг буулгаснаа нэг их юм хийсэн юм шиг ярьж байна. Уг нь олон жолооч цугларах төлөвлөгөөтэй байсан учир цар тахлын үед журмаа баримтлахаар болсон.

Энэ асуудлыг яаралтай таслан зогсоох ёстой. Үгүй гэвэл зам хаасан ч чадна. Гэхдээ ийм байдалд хүргэх хүсэл алга.

Хуурамч шатахуунаас болж жилдээ нэг мотор солих дээрээ тулж байна. Эсвэл жилд 1-2 удаа аппартураа больдог. Гол нь иргэдийн эрүүл мэндийг хамгаалах ёстой. Бид татвар ногдуулдаг байя гэж санал оруулсан. Гэтэл УИХ-ын Эдийн засгийн байнгын хорооноос дэмжээгүй. Мөнгө хийдэг юм ийм үйлдлийг таслан зогсоох хэрэгтэй байна" гэлээ.