Монголын Төмөр замчдын үйлдвэрчний эвлэлийн холбооноос цаг үеийн асуудлаар мэдээлэл хийлээ. 

Монголын Төмөр замчдын үйлдвэрчний эвлэлийн холбооны дарга Б.Баяраа "УБТЗ бол хувь нийлүүлсэн байгууллага. ОХУ 50 хувийг нь эзэмшдэг. Үлдсэн 50 хувийг Засгийн газар эзэмшдэг. Тэнд хэдэн нөхөд дур зоргоороо ажиллаж байна. Тиймээс төр засгийн удирдлагууд өмчөө эргэж харахыг хүсэж байна. Төмөр замчидтай уулзаж хөдөлмөр бүтээл, шударга хуваарилалттай танилцаач.

УБТЗ хувь нийлүүлэх нийгэмлэгт 2018 онд хийсэн шалган байцаах комиссын дүгнэлтээс харахад УБТЗ-ын удирдлагад хөдөлмөрийн маргаантай холбоотой 2018 онд 229 сая, 2019 онд 101 сая төгрөг төлөх эрсдэл үүрээд байна гэсэн. Энэ бол хууль тогтоомж зөрчиж хөдөлмөрийн гэрээ цуцалсан шийдвэрүүдээс үүссэн хохирол. 

Тус байгууллагын хяналт, хуулийн алба нь байгууллагын талд үйлчилдэг. Жишээ нь, 2018 онд галт тэрэгт дайруулсан ажилтны хэрэг дээр хүн хэлмэгдүүлж байсан. Эгэл ажилтан алдаа гаргавал хэдэн жил ажилласан, маргааш тэтгэвэрт гарах байсан ч хамаагүй цалин мөнгөгүй хөөж гаргадаг. Тиймээс төр засгаас иргэдээ хамгаалахыг хүсэж байна" гэлээ. 

А.Сүх