Монголд анх удаа 2019 онд хэрэглэхгүй эд зүйлсээ заруулдаг дэлгүүр нээгдсэн бол Эко дүүрэг нэрийн хуудастай Хан-Уул дүүрэг анхлан хуучин хувцас авах цэгтэй боллоо. Иргэд хуучин хувцасаа хог руу хаяж, шатаалгүйгээр уг цэгт байгаа хайрцаганд хийснээр дүүргийн зорилтод бүлгийн хувцас авахыг хүссэн иргэдэд хүргэх үйлчилгээг үзүүлэх юм.

Өнөөдрийн байдлаар хуучин хувцас авах цэгийн байршил Хан-Уул дүүргийн 17 дугаар хорооны нутаг дэвсгэр дэх “River garden” хорооллын “River tower” худалдааны төвийн ард,  Зайсангийн эцсийн буудал руу эргэх замд KFC-гийн урд тус тус хуучин хувцасны  хайрцаг байрлуулсан. Иргэд та бүхэн өөрт хэрэглэгдэхгүй хувцаснуудаа эдгээр хайрцагуудад хийж, зорилтот бүлгийн иргэдэд тусламж үзүүлнэ үү.

Хан-Уул дүүргийн Засаг даргын Тамгын газар