ЮНЕСКО-ийн Хүн төрөлхтний соёлын биет бус өвийн жагсаалтад бүртгэгдсэн “Хөхүүрийн айраг исгэх уламжлал, холбогдох зан үйл” өвийн батламж гардуулах ёслол өнөөдөр боллоо.

Энэ үеэр Гадаад харилцааны сайд Д.Цогтбаатар “Манай улс ЮНЕСКО-д нийт 15 биет бус соёлын өв бүртгүүлсэн байдаг. Үүний дотор морин хуур, уул тахих уламжлал зэрэг биет бус соёлын өв бүртгэгдсэн. Хамгийн гол нь биет бус өвийг бүртгүүлэх нь монгол соёлоос урган гарсан шүү гэдгийг таниулах явдал юм. Нүүдэлчин монголчууд амьдралынхаа явцад гаргаж ирсэн үнэт өв. Даяаршил хөгжиж байгаа энэ үед олон жижиг соёл, уламлжлал үгүй болж байна. Тиймээс хадгалж үлдэхийн тулд хойч үе маань өөрсдөө ойлгох хэрэгтэй. Хаа хамаагүй исгэлэн ундааны тухай биш намайг бусад улс үндэстнээс онцгойлж байгаа уламжлал юм байна гэдгийг ойлгох нь чухал.

Хоёрдугаарт, айргийг бүртгүүлээд дараа нь олон улсын түвшинд гарлаа гэж бодоход гаднын хүмүүс монголд ирээд айраг гэдэг чинь монгол ундаа юм байна. Үүнтэй адил өөр ундааг адилхан нэрлэхгүй юм байна гэх эрхээ хадгалж үлдэхэд нэмэртэй.

Соёлын өөр өвүүдээ бүртгүүлнэ гэж ярьж байгаа зүйл бий. Гэхдээ цаг хугацаа ордог юм” гэлээ.

А.Сүх