Энэ сарын 27-ны 17:00 цагийн орчимд Баянзүрх дүүргийн 11 дүгээр  хорооны нутаг дэвсгэрт байрлах Маршалын гүүрний зүүн хойно буюу Үндэсний цэцэрлэгт хүрээлэнгийн урд орших усан халианд 11-15 насны дөрвөн хүүхэд тоглож байхдаа осолдож, харамсалтайгаар амь насаа алдсан билээ. Энэ талаар ЦЕГ-ын Хэвлэл мэдээллийн төвийн дарга Б.Баатархүү “Хэргийн дуудлага тухайн өдрийн 18.00 цагийн орчимд цагдаагийн байгууллагад ирсэн. Маршалын гүүрний зүүн талд байрлах “Ханталст” ХХК-ийн барилгын суурийг ухсанаар тогтоол ус үүссэн тус газарт 11-15 насны дөрвөн хүүхэд тоглож байхдаа живж амь насаа алдсан

Хэргийг Баянзүрх дүүргийн цагдаагийн хэлтэс шалгаж байна. Тогтоол усны гүнийг тогтоохоор мэргэжлийн байгууллагууд хэмжилт хийнэ.

Живсэн хүүхдүүдийн хоёр нь нэг айлын хүүхэд байсан. Ах нь 15 настай. Тухайн үед дүү нь хоёр найзынхаа хамт усанд орсон. Гэтэл живсэн. Үүнийг харсан ах нь дүүгээ аврах гэж араас нь орсон. Харамсалтай нь дөрвүүлээ амиа алдсан" гэлээ.