УОК-ын Шуурхай штабаас цаг үеийн асуудлаар мэдээлэл хийлээ.
Энэ үеэр МХЕГ-ын Эрүүл мэндийн хяналтын хэлтсийн дарга Д.Баярболд “Өнгөрсөн гурван өдөр нийт 740 зорчигч агаарын болон галт тэргээр орж ирсэн. Үүнээс 67 иргэнийг коронавирусний сэжигтэй тохиолдол гэж үзэн ХӨСҮТ рүү хүргүүлж ажиллалаа.
Мөн энэ сарын 25-ны өдрийн байдлаар 303.8 тонн хүнсний бүтээгдэхүүнд хяналт тавьж ажиллалаа. Хоёрдугаар сараас хойш 22845 чингэлэг, 2500 галт тэргэнд хяналт тавьсан.
Удахгүй эх үрсийн баяр болно. Үүнтэй холбоотойгоор гадуур бэлэгний худалдаа их явагдаж байна. Хамгийн гол нь бэлэгний сонголтод анхаарахыг анхааруулж байна. Давс, сахар, өөх тос ихтэй бүтээгдэхүүн сонгохгүй байхыг хүсэж байна. Мөн хүүхдийг олон нийтийн газраар дагуулж явахгүй байх, бөөгнөрөл үүсгэхгүй байхыг анхааруулъя. Дулааны улирал эхэлсэнтэй холбогдуулан гэдэсний халдвар нэмэгддэг. Иймээс хүнсний бүтээгдэхүүнийг зөв хадгалах, баталгаатай хүнс сонгох, ил задгай зарж байгаа бүтээгдэхүүн худалдан авахгүй байхыг зөвлөе" гэлээ.
А.Сүх